Haukarnir eru bara með sterkara lið og betra lið. Svo einfalt er það. Þær voru með yfirburði og þetta var eiginlega aldrei í hættu.

Það er erfitt að benda á eitthvað eitt úr þessum leik, en ef ég á að gera það þá verð ég að segja fjórða mark Hauka. Gestirnir minnka muninn í 3-1, en Haukar svara því strax í næstu sókn þegar Heiða Rakel skorar. Það var mikilvægt fyrir heimakonur að svara strax og sleppa því að búa til leik.

Haukar eru komnir áfram í 8-liða úrslitin þar sem verða sex lið úr Pepsi Max-deildinni og tvö úr Lengjudeild. Fjarðab/Höttur/Leiknir einbeitir sér að 2. deildinni þar sem liðið stefnir á að komast upp.

Ég held ég verði bara að setja þetta á allt Fjarðab/Höttur/Leiknir liðið, sérstaklega þegar líða fór á seinni hálfleikinn. Shakira Duncan fannst mér hvað slökust og hún var farin að pirra sig of mikið á hlutunum. Einnig er þetta vondur dagur fyrir Melissa Alison Garcia, sóknarmann Hauka. Ekki af því að hún átti slæman leik, heldur vegna þess að hún meiddist. Það leit mjög illa út en vonandi er það ekki eins slæmt og það leit út fyrir að vera. Vonandi getur hún spilað eitthvað meira í sumar.

Bara nokkuð 'solid' leikur hjá dómaratríóinu. Ekkert vafasamt þannig og bara nokkuð vel dæmdur leikur.