Barátta Víkinga í leiknum og þá sérstaklega eftir að þær skoruðu fyrsta markið réði úrslitum hér í dag. Þælr mættu virkilega skipulagðar til leiks og vildu bara meira taka sigur hér í dag.

Vítaspyrnan sem Vienna klúðrar verð ég að setja sem atvikið þótt að ég gæti sett fyrsta mark Víkinga líka. Eftir að Vienna klúðrar gefast Haukastúlkur gjörsamlega upp og eru í raun bara heppnar að skora þetta eina mark

Með sigrinum er Víkingur kominn með sinn fyrsta sigur í sumar og komast upp í sjöunda sæti með 4 stig. Haukar tapa hér sínum fyrsta leik í sumar en þær eru ennþá í þriðja sæti með 8 stig.

Allt Haukaliðið átti ekki góðan dag í dag. Fyrri hálfleikurinn hjá báðum liðum var ekki góður en Víkingur komu vel gíraðar inn í seinni hálfleikinn. Eftir að Víkingar skoruðu úr vítinu var eins og það væri slökkt á Haukastelpunum og spiluðu þær allar vel undir getu hér í kvöld.

Leyfði leiknum lítið að fljóta og báðar vítaspyrnurnar voru frekar soft dómar.