Kristófer Jónsson @kristoferjonss

- Meðalaldur 33 ár

- Meðalaldur 26 ár

Textalýsing Skýrslan Viðtöl

Hvað réði úrslitum? Svona heilt yfir var nokkuð mikið jafnræði yfir liðunum. Þannig að einfaldasta svarið er vinstri fóturinn á Einari Karli. Kemur inná og skorar sigurmarkið með geggjaðri aukaspyrnu. Bestu leikmenn 1. Kristinn Freyr Sigurðsson Það var erfitt að velja mann leiksins hér í dag þar sem að það voru margir mjög góðir. Gef Kristni þetta í dag. Ótrúlega góður fram á við og duglegur í dag. 2. Höskuldur Gunnlaugsson Höskuldur var útum allan völl í dag. Potturinn og pannan í sóknarleik Breiðabliks. Atvikið Í lok fyrri hálfleiks átti Breiðablik klárlega að fá víti í stöðunni 0-0. Ef hún hefði verið dæmd hefði Sebastian að öllum líkindum fokið útaf. Leikurinn hefði þá eflaust þróast öðruvísi. Svo verð ég að nefna alla sénsanna sem að Brynjólfur fékk. Kemur alltof seint í Rasmus á gulu spjaldi og mér fannst að hann hefði átt að fjúka útaf þar. Braut svo þrisvar sinnum eftir það án þess að fá svo mikið sem tiltal.

Hvað þýða úrslitin? Valsarar koma sér í annað sæti og eru tveimur stigum frá KR sem að á leik til góða. Breiðablik hefur nú ekki unnið í fjórum leikjum í röð og sitja í fjórða sæti, fjórum stigum frá toppnum. Vondur dagur Var tilbúinn með ræðu um Brynjólf hérna því að ég var viss um að hann myndi fá rautt. Ótrúlega klaufaleg brot hjá stráknum á gulu spjaldi og skuldar hann Ívari Orra dómara knús fyrir að hafa fengið að hanga inná. Sebastian braut klaufalega á Thomas Mikkelsen sem að jöfnunarmark Blika kom úr. Hefði getað verið skúrkur kvöldsins. Dómarinn - 5,5 Ef ekki hefði verið fyrir nokkur stór atriði hefði Ívar fengið bestu einkunn. Gott flæði á leiknum og flestar ákvarðanir hárréttar. Blikar áttu að fá vítaspyrnu í fyrri hálfleik og Brynjólfur átti að fá rautt að mínu mati.

- Meðalaldur 34 ár

- Meðalaldur 30 ár