Leiknisliðið var bara miklu betra á öllum sviðum leiksins. Passív nálgun gestanna gerði lítið fyrir þá og áttu heimamenn oft á tíðum auðvelt með að tæta þá í sig og skapa fín færi. Að sama skapi var mjög takmarkað að frétta fram á við hjá gestunum.

Strax á fyrstu mínútum leiksins varð ljóst að sigurinn var alltaf á leið í Breiðholtið. Á fyrstu tíu mínútum leiksins hafði Leiknir fengið átta horn, Víkingar bjargað á línu og varla komist yfir miðju í þokkabót. Magnaðar 10 mínútur Leiknismanna þó markið hafi ekki komið fyrr en eftir 12, Settu tónin fyrir kvöldið.

Leiknismenn setjast í toppsætið eftir jafntefli ´Vestra og ÍBV fyrr í kvöld. Gestirnir úr Ólafsvík sitja í 10,sæti en þó fimm stigum fyrir ofan fallsvæðið og þurfa ekki að örvænta strax. Nóg er þó fyrir þá að gera og margt sem þarf að laga.

Engin draumabyrjun fyrir Guðjón Þórðarson með Víkinga. Hefur eflaust ekkert liðið neitt sérstaklega vel á meðan á leik stóð að horfa upp á andleysi sinna manna úti á velli. Vondur dagur á skrifstofunni hjá honum og nóg að hugsa í rútunni á leið vestur aftur.

Pétur átti bara virkilega góðan dag í dag. Fór lítið fyrir honum og flæði leiksins var gott. Ekkert út á hann að setja en þurfti svo sem ekkert að taka neinar risa ákvarðanir.