Jafnteflisleikur sem Þór/KA var heilt yfir sterkara í. Fylkir braut ísinn og komst tvisvar yfir. Þór/KA jafnar í bæði skiptin með marki innan 120 sekúndna eftir mark Fylkis. Sanngjörn úrslit og það má þakka guði fyrir að fyrsta mark leiksins lét dagsins ljós því fram að því var þetta mjög rólegt.

Vítaspyrnan sem Bryndís fékk á 76. mínútu. Berglind mögulega ýtir aðeins í Bryndísi en virkar sem afskaplega lítið. Boltinn að fara yfir Bryndísi sem átti ekki möguleika í boltann.

Fylkir er áfram í 3. sæti deildarinnar, með þrjá sigra og þrjú jafntefli. Þór/KA stoppar í þriggja leikja taphrinu en þarf að fara vinna inn feiri stig.

Berglind Baldursdóttir átti ekkert sérstakan dag í liði Þór/KA og fékk á sig vítaspyrnu. Þórdís Elva átti sömuleiðis engan stjörnudag í liði Fylkis.

Mjög 'soft' vítaspyrna sem Fylkir fékk og svo þreytandi þegar dæmd var rangstaða á Fylki þegar Þór/KA var með vald á knettinum ofar á vellinum. Annars ágætlega dæmdur leikur (+2 ef þetta er 100% víti, -1 ef þetta var ekki víti)