Elvar Geir Magnússon @elvargeir

- Meðalaldur 5 ár

- Meðalaldur 20 ár

Textalýsing Skýrslan Viðtöl

Hvað réði úrslitum? Það var sérstakt að horfa á svona mikilvægan leik fyrir framan galtóman KR-völl. En Íslandsmeistararnir létu það ekki slá sig út af laginu, voru betri frá 1. - 90. mínútu. Þeim leið vel í eymdinni, stýrðu leiknum allan tímann og sigldu þessu á endanum mjög þægilega í höfn. Bestu leikmenn 1. Óskar Örn Hauksson - KR Virtist sigla í gegnum leikinn fyrirhafnarlaust en af miklu öryggi og gæðum. Skoraði fyrra markið og var heilt yfir þrusuflottur. 2. Kristján Flóki Finnbogason - KR Skoraði laglegt mark. Hefði átt að skora fleiri en hann var að koma sér í færi og átti góðan leik. Atvikið Þegar liðin gengu út á völlinn meðan 'Carnaval de Paris' ómaði í hljóðkerfinu. Leikur í 8-liða úrslitum bikarsins á KR-velli en ekki nokkur einasti maður á vellinum. Eftirlitsmaðurinn sat einn í stúkunni. Mjög furðulegt augnablik!

Hvað þýða úrslitin? Rúnar Kristinsson var ekkert að hvíla, tefldi fram sínu sterkasta liði og það skilaði fagmannlegum sigri í hús. KR verður í pottinum þegar 8-liða úrslitin fara fram... hvenær sem það verður? Vondur dagur Það var ekkert bit í sóknarleiknum hjá Fjölni. Liðið skapaði sér varla færi í leiknum. Christian Sivebæk og Ingibergur Kort voru týndir en sóknarleikur liðsins í deild var hreinlega arfadapur. Dómarinn - 8,5 Ekki erfiður leikur að dæma og Egill sigldi vel í gegnum hann. Hægt að setja spurningamerki við tvo mjög svo smávægilega dóma hjá honum.

- Meðalaldur 4 ár

- Meðalaldur 23 ár