Elvar Geir Magnússon @elvargeir

- Meðalaldur 31 ár

- Meðalaldur 26 ár

Textalýsing Skýrslan Viðtöl

Hvað réði úrslitum? Leikurinn var mjög sveiflukenndur en Blikarnir verðskulduðu sigurinn. Það var aldrei dauður punktur í leiknum, fullt af stórhættulegum færum og flottum sóknum. Breiðablik sýndi hungur og vilja og Óskar Hrafn var hæstánægður með hugarfarið í varnarleiknum. Bestu leikmenn 1. Gísli Eyjólfsson - Breiðablik Markið sem hann skoraði var bilað flott. Svakalegt! Auk þess sýndi Gísli vel gæði sín og var flottur. Frábær leikmaður. 2. Brynjólfur Willumsson - Breiðablik Lék fremstur í fjarveru Thomas Mikkelsen og var sífellt að skapa vandræðagang fyrir Víkinga. Kom sér á blað með tveimur mörkum af vítapunktinum. Atvikið Markið sem Breiðablik skoraði en var dæmt af. Það tók sinn tíma að komast að þeirri niðurstöðu. Fyrst var dæmt mark en Arnar Gunnlaugsson trylltist og eftir smá umræðu tóku dómararnir markið til baka. En Arnar fékk rautt!

Hvað þýða úrslitin? Leiðinlegt að aðeins 20 áhorfendur hafi mátt vera á vellinum á þessum stórskemmtilega leik! Mikilvægur sigur hjá Blikum í toppbaráttunni en stigasöfnun Víkinga hefur alls ekki verið eftir væntingum. Vondur dagur Margir Víkingar átti mjög vondan dag varnarlega! Vörnin var að opnast trekk í trekk. En ég ætla að henda Ingvari Jónssyni markverði í þennan dálk. Og þá aðallega fyrir að hafa ekki staðið undir væntingum á tímabilinu. Ingvar getur miklu betur og þarf nauðsynlega að fara að sýna það. Dómarinn - 6 Mestmegnis hafði Erlendur fín völd á leiknum en þetta fíaskó sem varð í kringum markið sem svo var tekið af er eitthvað sem dómararnir verða að skoða. Atburðarás sem þeir höndluðu illa.

- Meðalaldur 32 ár

- Meðalaldur 31 ár