Miklir yfirburðir Blika. Þær stjórnuðu leiknum frá a-ö, skoruðu 7 stykki og héldu enn og aftur hreinu. Mér fannst vanta plan í sóknarleik gestanna, þær náðu lítið að ógna. Blikar fóru sérstaklega illa með Þór/KA úr hornum, voru eiginlega alltaf stórhættulegar í þeim og skoruðu 4 mörk eftir hornspyrnu.

Gæti nefnt nokkur af mörkunum sem voru mörg skrautleg en ég ætla að nefna hér 23 mínútu leiksins en þá náðu Blikar að slá met KR frá 1997 og hefur nú ekkert lið haldið hreinu eins langt inn í mótið og Blikar. Frábært afrek.

Blikar styrkja stöðu sína á toppnum og eru enn með fullt hús stiga. Þór/KA er áfram í 5. sætinu með sín 11 stig, einu stigi á undan Selfyssingum sem eiga leik til góða.

Það eru um það bil allar í Þór/KA sem eiga tilkall í þennan lið en ætla að henda þessu á báða markmenn liðsins í dag. Þær gerðu sig sekar um ansi mörg mistök og litu oft illa út.

Bara ágætis leikur hjá tríóinu í dag. Leikurinn fékk að fljóta ágætlega sem ég er hrifin af. Held að það sé nokkuð ljóst að dómarinn hafði allavega engin úrslitaáhrif á leikinn svo öruggt var þetta hjá þeim grænklæddu.