Auðvelt að benda á getumun liðanna en líklega var það sem réði því að þessi leikur fór 8-0 en ekki 4-0, eins og fyrri leikur þessara lið, sú staðreynd að ÍBV vantaði fimm leikmenn sem væru venjulega í eða í kringum byrjunarliðið. Blikaliðið mætti til leiks frá fyrstu mínútu, bókstaflega, og sigldi þessu sanngjarnt heim.

Fyrsta mark leiksins kom strax eftir 55 sekúndna leik þegar að Sveindís Jane mætti á fjærstöngina eftir flotta fyrirgjöf frá Öglu Maríu og skallaði boltann í netið. Þessar tvær lögðu þannig línurnar fyrir það sem koma skildi og héldu svo uppteknum hætti út leikinn.

Breiðablik fer á fljúgandi siglingu inn í úrslitaleikinn gegn Val um næstu helgi og verður fróðlegt að sjá hvernig sá leikur þróast eftir 4-0 burst Blika á Val á Kópavogsvelli fyrr í sumar. ÍBV er eftir sem stendur ennþá með 17 stig í 6. sæti og eiga alvöru fallbáráttuslag við FH um næstu helgi sem getur svolítið mótað það hvar bæði lið munu enda í deildinni.

Það átti í raun engin vondan dag, erfitt að kjöldraga leikmenn sem að meira að segja þjálfarar liðsins viðurkenna að hafi ekki verið tilbúnar í verkefnið sem fyrir þeim lá. Ætla að setja þetta á meistaraflokk kvenna hjá ÍBV, bara óheppnar að lenda í sóttkvíum, leikbönnum og meiðslum, allt þegar þær voru að fara að mæta einu besta liði landsins.

Hann Steinar var flottur í dag, hélt leiknum ágætlega á floti en var kannski smá gjafmildur á það hvernig ÍBV beyttu sér. Mögulega smá vorkunn?