Vinnuframlag fyrst og fremst. Þróttarar virtust vera til í að leggja ögn meira á sig til þess að ná í stigin þrjú en gestirnir og höfðu því sigur í baráttuleik. Fótboltinn var kannski ekki sá besti en menn gáfu allt í þetta og uppskáru eftir því.

Sigurmarkið og fögnuðurinn sem fylgdi fær þetta skuldlaust. Andri Jónasson skallaði þá hornspyrnu Huberts í netið á 57.mínútu og Þróttarar á vellinum fögnuðu vel og innilega.

Þau þýða það að Þróttarar halda frumkvæðinu af Selfyssingum en mega þó illa við að misstíga sig enda liðin líklega jöfn að stigum að lokinni þessari umferð. Kórdrengir sitja á toppnum en forskot þeirra er aðeins 3 stig í stað 6.

Albert Brynjar Ingason var í góðri gæslu heilt yfir í leiknum og náði ekki að ógna eins vel og hann sjálfur hefði viljað. Var ekkert slæmur þannig en átti lítið í skipulagða vörn Þróttar.

Erfiður leikur að dæma fyrir Arnar. Mikill hiti og taugaspenna í mönnum en stýrði leiknum vel að mínu mati og hafði stóru atriðin rétt.