Eins og svo oft áður í sumar hjá báðum liðum þá eru Blikar mikið með boltan og að koma sér í mikið af góðum stöðum en ná ekki að skora þegar þörf er á marki og KA voru bara eins og svo oft áður virkilega flottir varnarlega og þéttir og gáfu ekki mörg dauðafæri á sig.

Færið sem Mikkelsen klikkar þegar 2 mínútur eru eftir af venjulegum leiktíma, frábær fyrirgjöf frá Viktori Erni á fjær og Mikkelsen skallar framhjá, sá danski hefði átt að skora þarna.

Blikar fara í 3. sæti deildarinnar með 28 stig og KA menn sigla lygnan sjó í 8. sæti með 20 stig

Thomas Mikkelsen var í miklu basli með að koma sér í færi í kvöld og vörn KA gerðu honum virkilega erfitt fyrir í kvöld og MIkkelsen sást bara lítið og klikkaði dauðafæri undir lokin. Anton Ari gerði sig líka sekan um mistök í marki KA en það átti slatti eftir að gerast og skotið hjá Sveini frábært.

Þorvaldur frábær í kvöld, frábært flæði í leiknum og dæmdi réttilega ekki vítapsyrnu í fyrri hálfleik, var með allt á hreinu í kvöld að mínu mati.