Þessi ögn auka grimmd sem Víkingar sýndu og þá sérstaklega í fyrri hálfleik. Það spillir ekki fyrir að vera með nautið Sölva Geir í boxinu í föstum leikatriðum sem réði úrslitum í dag.

Eftir tæplega 70 mínútna leik átti Joey Gibbs skot úr teignum sem virtist stefna í netið. Á einhvern undraverðan hátt náði Þórður Ingason að teygja sig í boltann og slá í horn. Hefði snúið leiknum á hvolf hefði þessi endað inni.

Víkingar fá 3 stig líkt og önnur sigurlið í þessari umferð á meðan að Keflavík fær 0. Ekkert flókið þar.

Adam Árni Róbertsson fékk að finna fyrir því í kvöld. Kom ágætlega sprækur til leiks en lenti undir í baráttunni við Sölva Geir og þurfti á endanum að yfirgefa leikvöllinn í fyrri hálfleik. Jafnar sig vonandi fljótt en ég er ekki viss um að Sölvi fái jólakort.

Byrjaði leikinn ágætlega og hélt góðri stjórn. Dró heldur úr þegar líða fór á og hitna í kolunum og flautaði full mikið. Heilt yfir góð frammistaða þó og á pari við gæði leiksins.