Pétur Theódór réði í sjálfu sér nokkurn veginn úrslitunum í kvöld. Frábær leikur og spilamennska beggja liða fín oft á köflum. Umdeilda vítaspyrnan sem Elías dæmir í lok leiks fyrir Gróttumenn gerði þannig séð líka svolítið útaf við leikinn og var alltaf erfitt fyrir Þórsara að koma til baka eftir það.

Annað víti Gróttu í leiknum sem gerir þannig séð út fyrir leikinn var atvikið. Mjög umdeilt atvik og voru Þórsarar langt frá því að vera sáttir með ákvörðunina og Gróttumenn skildu lítið í henni heldur.

Grótta byrjar mótið á frábærum nótum og munu leita að því að byggja á þessari frammistöðu og ekki slæmt að fá Pétur Theódór í gang svona snemma í mótinu. Þórsarar geta tekið margt jákvætt úr þessum leik og munu vilja svara fyrir þetta tap gegn Grindavík á Salt-Pay vellinum í næstu umferð.

Petar Planic var mjög solid í vörn Þórsara í fyrri hálfleik en hann missir sig niður í þeim síðari og endar leikinn á rauðu spjaldi. Hefði getað átt mikið betri seinni hálfleik eins og sást á frammistöðu hans í þeim fyrri.

Margar ákvarðanir hjá honum Elías réttar en slatti líka umdeildar. Stundum sem það leit út fyrir að hann giskar eins og annað vítið hjá Gróttu en þetta var erfiður leikur að dæma og harkan mikil. Hann fær samt sem áður plús fyrir það að reyna að leyfa leiknum að fljóta áfram og dæma ekki á neitt soft.