ÍBV var betra liðið nánast allan leikinn fyrir utan síðustu 20-25 mínúturnar og Þór/KA nýtti sín færi vel. Vörn ÍBV klikkaði í báðum mörkunum. Fyrst lélegur varnarleikur og síðan gefa þær gestunum síðasta markið á silfurfati.

Annað mark Þórs/KA er algjört klúður í vörn ÍBV, Helena sem hafði átt frábæran leik setur boltann í Kareni og Hanna Kallmaier sem hefði getað komist í boltann misreiknar skoppið á boltanum. Boltinn skoppar þá beint fyrir framan Kareni sem á bara eftir að renna boltanum framhjá Auði.

Þór/KA byrja mótið á 3 stigum og fara á topp deildarinnar í klukkutíma. ÍBV fara svekktar frá þessum leik þar sem að þær áttu allavega skilið 1 stig.

Colleen Kennedy meiðist eftir 30 mínútur og þarf að fara af velli. Vonum að það verði ekki alvarlegt.

Ekki mikið hægt að setja út á dómgæslu leiksins, lét leikinn fljóta og beitti hagnaði vel í tvö skipti. ÍBV vildi samt fá vítaspyrnu sem ég er ekki alveg viss með.