Það mátti ekki miklu muna í kvöld. Það var hart barist og gestirnir í raun kraftmeiri í bardögum úti á velli. Bæði lið fengu ágæta sénsa til að skora en Valskonur refsuðu betur og skoruðu tvö mörk þegar Stjörnukonur gáfu færi á sér.

Víti? Svo virtist sem togað væri í Önnu Maríu þegar hún reyndi að ráðast á boltann eftir hornspyrnu í uppbótartíma. Stórt atvik sem þarf að skoða betur og ræða á kaffistofum landsins.

Valsliðið komst ekki á flug í kvöld en fær stigin þrjú og það er það sem skiptir þær mestu máli. Stjörnukonur geta verið svekktar að fá ekkert út úr leiknum en frammistaða þeirra gefur góð fyrirheit fyrir í sumarið.

Mary Alice var svo góð í fyrra að Valsarar voru búnir að tryggja sér þjónustu hennar áður en síðasta tímabili lauk. Það voru því vonbrigði að sjá hana spila í kvöld. Er greinilega ekki búin að ná sér almennilega af meiðslum sem hafa plagað hana í vetur og spilaði á hálfu tempói.

Tríóið hafði nóg að gera í baráttuleik. Einhverjar aukaspyrnur hér og þar jöfnuðust út yfir leikinn en stóra atriðið var í uppbótartíma þegar Stjarnan átti líklega að fá víti.