Gríðarleg barátta í þessum leik þar sem bæði lið lögðu allt í þetta. Það voru þó Íslandsmeistararnir í Val sem stálu sigrinum í uppbótartíma með marki frá varamanninum Almarri Ormarssyni og sendu HK tómhenta heim.

Sigurmark Valsmanna. Boltinn berst inn í teig HK og barningur um boltann sem dettur fyrir Almarr Ormarsson fyrir utan teig sem lætur vaða og skorar sigurmark Vals í uppbótartíma.

Valsmenn halda sér áfram í baráttunni um efstu sætin og eru jafnir á topnum með FH, KA og Víkingi R. HK fara með súrt bragð í munni tómhentir heim.

Johannes Vall átti ekkert sérstakan dag í bakverðinum hjá Val. Valgeir og Arnþór Ari voru með áætlunarferðir upp vængin og sóttu á hann.

Erlendur var virkilega flottur í dag. Leyfði leiknum að fljóta vel og var ekki að flauta á neinn óþarfa.