KR-ingar voru virkilega bitlausir í sóknarleik sínum. Ég veit ekki alveg hvað réði því að Fylkir hafi klúðrað víti í byrjun seinni hálfleiks og dauðafæri í uppbótartíma. Skráum þetta á óheppni og kannski reynsluleysi.

Dauðafærið í lokin hjá Þórði Gunnari. Átti að skjóta fyrr og klára leikinn í uppbótartíma en tók einni snertingu of mikið og missti boltann.

Erfitt að segja þegar svona lítið er búið af tímabilinu. KR eru nú þremur stigum frá toppnum á meðan Fylkir er komið með tvö stig og eru enn án sigurs. En ef ég væri Fylkismaður, sem ég reyndar er, hefði ég engar áhyggjur.

Óskar Örn var langt frá sínu besta í dag, Þórður Gunnar átti að gera betur í færinu sínu og Arnór Borg klúðraði víti.

Eðlileg frammistaða í eðlilegum leik. Vítadómurinn réttur og stjórnaði leiknum vel. Óskýr lína á köflum. Aðstoðardómararnir voru gjörsamlega óþarfir í þessum leik en sinntu því hlutverki sínu vel.