Selfyssingar voru mikið betri langmest af leiknum og áttu margir leikmanna þeirra frábæra leiki. Kórdrengir samt sem áður vörðust illa og misstu haus mjög snemma í leiknum. Við fengum að sjá hversu hættulegir Hrvoje Tokic og Gary Martin geta verið og munu vera í sumar. Þormar Elvarsson og Aron Einarsson áttu einnig hægri hlið vallarins og spiluðu virkilega vel saman allan leikinn og eiga hrós skilið fyrir það.

Fyrsta mark Selfoss var atvik kvöldsins. Þeir ná þar að setja sig í bílstjórasætið og eiga leikinn algjörlega næstu 70 mínúturnar.

Selfoss fá sinn fyrsta sigur á árinu og svara frábærlega fyrir 3-0 tap gegn Vestra í seinasta leik. Kórdrengir eru enn að leita að sínum fyrsta sigri og munu vona að þeir fái hann um næstu helgi í Ólafsvík.

Arnleifur Hjörleifsson átti ekki góðan leik og toppar það síðan með virkilega heimskulegu rauðu spjaldi sem gefur Selfossi yfirhöndina í lok leiks. Ég held að Arnleifur hefur verið stoltari af sjálfum sér en eftir þennan leik.

Kristinn dæmdi leikinn ágætlega en missti nokkrum sinnum af brotum og einu sinni af hendi inní teig Selfyssinga sem hefði átt að vera víti. Fimma fyrir Kristinn Friðrik í dag.