Sanngjarnt jafntefli ef horft er í heildina. KR var slegið út af laginu með marki Víkings í byrjun leiks en verðskuldaði að jafna leikinn. Skemmtilegur leikur og mikið um átök.

Þessi reitur er auðveldur í dag. Jöfnunarmark Kristjáns Flóka. Frábær og snögg sókn. Kiddi Jóns fær boltann úti vinstra megin, sker boltann út í teiginn og Flóki klárar með geggjuðu skoti sláin inn!

Víkingur er nú fjórum stigum á eftir Val á toppnum og á enn leik til góða og er enn taplaust. KR er taplaust í síðustu fimm leikjum og hefur náð í ellefu stig úr þeim leikjum.

Alltaf gaman að fá að henda einhverjum fyrir rútuna... Er ekki best að segja að Óskar Örn hafi oft átt betri daga sóknarlega?

Krefjandi leikur og ágætlega dæmdur. Gaman að sjá baráttu reynslumikilla leikmanna og það var talsverð harka leyfð í leiknum. Mikið um tuð út í dómarann sem fylgir spennuleikjum þar sem mikið er undir.