Gæði Fjölnis sýndu sig á köflum við mark Augnabliks og kláruðu þeir leikinn fagmannlega þrátt fyrir að vera kannski á smá cruise control heilt yfir.

Markið hjá Augnablik, þeir tóku miðju, settu boltann upp völlinn og tveir Fjölnismenn féllu í jörðina eins og þeir hefðu verið skotnir, Arnar lyfti boltanum huggulega yfir Kristófer Reyes og hamraði hann upp í fjærhornið, augnakonfekt en stórundarleg atburðarás samt sem áður.

Fjölnir fer í hattinn fræga, Augnablik einbeitir sér að því að komast upp úr 3. deildinni eins og þeir ætla sér.

Verð að setja þetta á Hilmi Rafn Mikaelsson, maður hefði haldið að jafn góður leikmaður myndi gera sér einhvern mat úr 3. deildar liði en svo var nú ekki, það gekk ekkert upp hjá honum, hvorki sendingar né nokkur skapaður hlutur.

Frábærlega dæmdur leikur hjá tríóinu, hápunktur leiksins hjá Gunnari að sjá í gegnum leikaraskap Brynjar Óla sem reyndi að sækja vítaspyrnu í stöðunni 3-1 en hann hefur sótt þær nokkrar ódýrar í gegnum tíðina með klókindum og leikaraskap en Gunnar lét ekki plata sig.