Daníel Smári Magnússon @danielmagg77

- Meðalaldur 32 ár

- Meðalaldur 28 ár

Hvað réði úrslitum? Í jöfnum baráttuleik þá voru það gæði Hallgríms sem skáru úr um hvoru megin sigurinn myndi falla. Hann skoraði bæði mörk KA og barðist um hvern einasta bolta. Hja Keflavík gekk illa að reka smiðshöggið á sóknir liðsins þó að gestirnir hefðu nokkrum sinnum komist í álitlegar stöður. Bestu leikmenn 1. Hallgrímur Mar (KA) Skoraði bæði mörk KA og var frábær í leiknum, bæði varnar- og sóknarlega. Magnaður leikmaður. 2. Rodrigo Mateo (KA) Var öflugur fyrir framan vörn KA og vann ófá návígin. Atvikið Sigurmark KA. Undirritaður taldi færið of þröngt, en Hallgrímur Mar hélt nú ekki. Smellti boltanum yfir á vinstri fótinn og setti hann í bláhornið fjær.

Hvað þýða úrslitin? KA menn fara upp í 4. sæti og eru með jafn mörg stig og Breiðablik, eða 26 talsins. Bæði lið eiga jafnframt leik til góða á Víking R. sem sitja í 2. sæti með 29 stig. Keflvíkingar eru áfram í 8. sæti deildarinnar með 16 stig, en gætu fallið niður í það 9. ef að Fylkir sigrar Leikni R. í Árbænum. Vondur dagur Það er erfitt að setja þetta á einhvern leikmann. Ég svindla bara og set þetta á Greifavöllinn. Menn áttu erfitt með að standa í lappirnar á blautum vellinum og er aðstaðan ekki boðleg - eins og oft hefur verið sagt. Hrafnkell Freyr Ágústsson, sparkspekingur, hafði orð á því að meiðslahætta leikmanna hækkaði um 70% miðað við aðra velli. Ekki galin pæling. Dómarinn - 8 Helgi Mikael hélt fínu floti í þessu og ég tel að vítaspyrnudómurinn hafi verið hárréttur hjá honum.

- Meðalaldur 33 ár

- Meðalaldur 27 ár