Það sem þessi stelpa hefur bætt sig í sumar. Flott á milli stanganna framan af en í vandræðum með fyrirgjafir og fótavinnu. Hún hefur heldur betur unnið í því þetta sumarið og drottnaði yfir teignum í leiknum. Missti algjörlega töluna á hversu oft hún greip inn í en heilt yfir frábær leikur hjá markverðinum.

Dugnaður, kraftur og áræðni í varnarleiknum. Þótt hún beri ekki fyrirliðabandið er hún klárlega karakter í það. Rífur sínar stelpur áfram og gengur fram með góðu fordæmi og vinnusemi. Margar fyrirkallaðar samt í liði Keflavíkur en Kristrún fær mitt auka hrós í kvöld.