Jafnræði var með liðunum á köflum en Stjarnan sterkari heilt yfir og ýttu Aftureldingu lengra og lengra niður. Stjarnan skorar tvö síðustu mörkin úr hornum.

Það verður að vera hornspyrnan á 85. mín sem Stjarnan skorar úr. Afturelding vildi meina að leikmaður Stjörnunnar hefði gefið leikmanni Aftureldingar olnbogaskot. Erfitt var að sjá atvikið þar sem þetta var ein stór hrúga í teignum.

Stjarnan lyftir sér upp í fimmta sæti með sjö stig en Afturelding situr sem fastast í níunda sæti með þrjú stig eftir fimmtu umferð.

Ég verð að skrá þetta á dómara leiksins. Hann var ekki sannfærandi og bekkur Aftureldingar trylltist í lokin og uppskar rautt spjald. Lesa má um atvikið í "Atvikið" hér að neðan.

Sá nokkur atvik sem auðveldlega væri hægt að dæma öðruvísi og allt sauð upp úr í lokin.