Varnarmenn og markmaður Gróttu náðu að verja það sem verja þurfti í fyrri hálfleik. Í seinni hálfleik þá var Grótta betra liðið á vellinum. HK var flatt sóknarlega í seinni hálfleik og náði engan vegin að skapa sér næg færi að undanskildu einu færi sem Jón Ívan varði vel í marki Gróttu.

Fyrra mark leiksins kom Gróttu mönnum á bragðið.

Þrátt fyrir að lítið sé búið af mótinu þá er þessi sigur Gróttu þýðingarmikill fyrir þá. Gefur þeim aukið sjálfstraust og trú á að vinna stóru liðin í deildinni. Úrslitin sýna það að lið eins og HK þarf að hafa fyrir sigrum í deildinni þrátt fyrir að vera með frábæra leikmenn allstaðar á vellinum.

Hassan átti erfitt uppdráttar fyrir framan mark Gróttu. Hefði hæglega getað klárað einhverja af þeim sénsum sem hann fékk í kvöld í og við teig heimamanna.

Jóhann Ingi dæmdi ágætlega í kvöld. Þetta var frekar þægilegur leikur að dæma.