Daníel Smári Magnússon @danielmagg77

- Meðalaldur 25 ár

- Meðalaldur 23 ár

Textalýsing Skýrslan Viðtöl

Hvað réði úrslitum? Þórsarar neituðu að gefast upp þó að stigin virtust ætla að detta Grindavíkurmegin. Grindvíkingar höfðu varist vel í síðari hálfleik, en samskiptaleysi í vörninni olli því að Jewook Woo gafst færi á að jafna leikinn sem að Kóreumaðurinn þáði með þökkum. Bestu leikmenn 1. Dagur Ingi Hammer Gunnarsson Var flottur í dag. Í fyrri hálfleik fór flest allt í gegnum hann og hann kláraði færið sitt vel. 2. Hermann Helgi Rúnarsson Kom með mikið Þórshjarta inn í lið heimamanna þegar að Þorlákur skipti honum inná í hálfleik. Mikil yfirferð á honum og hann lét finna vel fyrir sér. Atvikið Jöfnunarmark Woo og það sem á eftir fylgdi. Það ætlaði allt um koll að keyra þegar að Woo jafnaði leikinn. Grindvíkingum fannst vera brotið á Örvari Loga stuttu áður en að boltanum er lúðrað upp völlinn til Woo, en Sigurður Hjörtur var ekki á sama máli. Eftir að fyrirliði Grindavíkur, Sigurjón Rúnarsson, hafði fengið aðhlynningu hélt leikurinn áfram og það var greinilegt að það sauð á Grindvíkingum. Thiago Dylan Ceijas missti algjörlega hausinn og henti sér í fáránlega tæklingu sem að uppskar verðskuldað rautt spjald. Þá lét annar skapstór Grindvíkingur skapið hlaupa með sig í gönur og lét það bitna á varamannaskýli liðsins. Við það fékk Alfreð Elías, þjálfari liðsins, rautt spjald. Alvöru vitleysa.

Hvað þýða úrslitin? Þórsarar eru nú með 4 stig eftir þrjá leiki og fara næst til Ísafjarðar og etja þar kappi við Vestra. Grindvíkingar eru með stigi meira og ennþá taplausir. Þeir eiga næst heimaleik gegn Fylki. Mótið er ungt og nóg á eftir að ganga á. Vondur dagur Sóknir liðanna munu eiga betri leiki en í kvöld. Það komst lítill taktur í spil og leikfléttur og úr varð smá kraðak. Grindavík ofan á í fyrri, en Þórsarar voru talsvert öflugri í þeim síðari. Lítið um færi, en ekkert vantaði uppá baráttuna. Dómarinn - 7 Fannst Sigurður hafa ágæt tök á þessum leik.

- Meðalaldur 25 ár