Markmenn beggja liða eiga mikið hrós skilið sem og varnarmenn liðana því það er með ólíkindum að þessi leikur hafi endað 0-0.

Ísak og Telmo áttust við á 75. mínútu þar sem Telmo brýtur á Ísaki og lendir á honum eftir brotið. Ísak bregst við með því að kýla til Telmo sem er alls ekki sáttur. Síðan á 93. mín þá er Kundai aleinn í gegn og Anton Ari ekki í markinu en Kundai náði ekki að koma boltanum á markið. Alvöru þreytumerki á Kundai þar sem hefur ekki spilað fótboltaleik í dágóða stund.

ÍBV sýndu það að þeir eigi heima í Bestu deildinni að mínu mati með þessari frammistöðu. Blikarnir voru alls ekki lélegir í dag en Eyjamenn voru bara hrikalega góðir. Fyrsta jafntefli Blika á tímabilinu en Eyjamenn eru enn sigurlausir.

Ísak Snær eins góður og hann hefur verið á tímabilinu þá var hann ekki nógu góður í dag. Eiður Aron og Guðjón Ernir tóku hann úr umferð í dag og það sást að það pirraði Ísak. Hann var síðan heppinn að fá ekki rautt seint í leiknum.

Að mínu mati nokkrir skrýtnir dómar og hann hefði átt að gefa Ísaki rautt á 75. mínútu. Felix Örn var líka heppinn að fá ekki seinna gula, allavega að mati stuðningsmanna Blika.