Síðustu 10 mínúturnar vöknuðu Stjörnumenn og ákváðu að vera með í leiknum. FH hafði vaknað aðeins fyrr en þetta var drepleiðinlegur leikur fram að marki FH og mögulega aðeins fyrir það. FH betra liðið yfir allar 90 en Stjarnan fékk færi til að klára leikinn í lokin þannig sanngjörn úrslit.

Það eru í raun 3 atvik sem gerast öll á sömu mínútu en þegar leikurinn er kominn í 92 mínútur þá á Óli Valur skot í stöng og Adolf Daði skýtur yfir frá einhverjum 2 metrum. Þar hefði Stjarnan getað unnið leikinn en strax eftir þetta er Matti Vill nærrum því sloppinn einn gegn markmanni hefði ekki verið fyrir smá fip í hans hlaupi og hann á skot rétt framhjá.

FH fer upp í 8. sæti og eru nú jafnir Fram með 10 stig. Stjarnan heldur sér í 3. sæti og eru með 20 stig, 2 stigum á eftir Víking.

Hver einasti maður á vellinum fyrstu 45 mínúturnar. Þetta var einn leiðinlegast háfleikur sem maður hefur séð á þessu landi og menn voru að senda boltann út í innkast og missa boltan á u.þ.b. 5 sekúndna fresti. Gunnar Nielsen fær samt að líta aðeins aukalega inn á við eftir að missa boltan þegar Stjarnan skorar markið sitt.

Þetta var rosalega þægilegur leikur lengi fyrir Jóhann og hans teymi en í lokin er aðeins óvíst hvort Stjarnan hefði átt að fá hornið sem þeir skora úr og svo voru nokkur minni atriði sem mér fannst hefðu getað farið betur.