Vinnusemi Grindavíkurliðsins var til fyrirmyndar i kvöld og er stærsta ástæða sigur liðsins í kvöld. Liðið var vel samstillt og skynsemi og yfirvegun einkenndi flestar aðgerðir liðsins. Dugnaður er annað orð sem nota má yfir leik Grindavíkur í kvöld og væri áhugavert að sjá hlaupatölur liðsins eftir leikinn þar sem menn voru á fullu leikinn á enda. Frammistaða Grindavíkurliðsins varð svo til þess að gestunum úr Kórdrengjum gekk bölvanlega að skapa sér teljandi marktækifæri þó á köflum hafi þeir verið meira með boltann og vija hafi ekki skort.. Plássið var einfaldlega ekki til staðar gegn þéttu liði Grindavíkur sem hleypti litlu sem engu í gegnum sig.

Fyrsta mark leiksins þar sem stutt sending frá markmanni er étinn af pressu Grindvíkinga, boltinn fyrir fætur Kristófers Páls sem lætur vaða í fyrsta og boltinn syngur í netinu.

Grindavík fer uppfyrir Kórdrengi í 9.sæti deildarinnar með 20 stig á meðan að Kórdrengir falla niður í það 10. með 18 stig.

Sköpunarkraftur Kórdrengja var takmarkaður í kvöld, Ekki skorti vilja eða tilraunir til þess að breyta því en Grindavíkurliðið náði hreinlega að kæfa sóknarleik Kórdrengja þegar á síðasta þriðjung var komið. Leikmenn mega þó eiga það að þeir reyndu leikinn á enda en þau orð gera lítið fyrir menn eftir tap. Einnig verður maður að nefna öftustu línu Kórdrengja í fyrra marki Grindavíkur. Hrikaleg mistök þar sem leiða til marks sem auðvelt átti að heita að koma í veg fyrir.

Góð frammistaða hjá tríóinu sem heild. Eitt og eitt atvik sem tína má til og pústrar úti á velli en leikstjórn var heilt yfir góð og ágætis flot á leiknum.