Sæbjörn Þór Þórbergsson Steinke @saebjornth

- Meðalaldur 16 ár

- Meðalaldur 26 ár

Textalýsing Skýrslan Viðtöl

Hvað réði úrslitum? Víkingur fékk vítaspyrnu í stöðunni 3-3 sem liðið nýtti og komst aftur yfir þegar skammt var eftir. Bestu leikmenn 1. Pablo Punyed Spilar stærstan part leiksins í vinstri bakverði, leysir það vel, leggur upp fyrsta markið og á sendinguna í fimmta markinu. Leikmaður sem þú vilt hafa í þínu liði í svona leik. 2. Ari Sigurpálsson Spilaði á miðjunni í dag og leysti það hlutverk með prýði. Spilað afskaplega vel með Víkingi í sumar og skoraði gott mark í dag. Atvikið Mörg atvik en þetta með greini er vítaspyrnan sem Víkingur fékk undir lok leiks. Pontus braut á Danijel en spurning hvort átti að dæma víti.

Hvað þýða úrslitin? Víkingur fer áfram í undanúrslit bikarsins fjórða tímabilið í röð. Víkingur hefur ekki tapað bikarleik síðan 2020 en ekki látið bikarinn af hendi síðan haustið 2019 þar sem mótið 2020 kláraðist ekki. KR er úr leik og er vonin um Evrópusæti orðin lítil sem engin. Vondur dagur Aron Kristófer leit ekki vel út varnarlega og það sást í dag að Aron Þórður á eitthvað í land til þess að eiga heima í baráttunni inn á miðsvæðinu á móti toppliði. Það má líka alveg setja þetta á miðverði KR sem áttu ekki sinn besta dag. Dómarinn - 3 Ef horft er frá stóru atvikunum (sem ég geri að sjálfsögðu ekki) og einungis að leikstjórninni sjálfri fannst mér Pétur dæma leikinn vel, ekkert að spjalda menn að óþörfu og leikurinn fékk að fljóta ágætlega. Fyrsta umdeilda atvikið er ansi tæpur rangstöðu dómur þegar KR skorar fyrsta mark leiksins, Hallur kemur boltanum í markið en Ægir er líklega dæmdur rangstæður í aðdragandum. Ansi tæpur dómur og eftir endursýningar er maður einhvern veginn ekki ennþá alveg viss - ekkert dreginn niður fyrir það. Næsta stóra atvik er vítaspyrnan sem KR fékk en vildi alls ekki fá. Stefán Árni Geirsson skorar en Pétur var þá búinn að dæma brot á Oliver Ekroth fyrir bakhrindingu, dæmdi vítaspyrnu. Ekroth hins vegar sleppur með spjald sem er óskiljanleg niðurstaða þar sem ég get ekki séð að hann sé mikið að reyna við boltann með því að ýta í bakið á Sigurði Bjarti. Sigurður skoraði úr vítinu svo KR-ingar allavega náðu að jafna. Lokaatriðið er svo vítaspyrnan sem Víkingur fær. Brotið byrjar fyrir utan teig en Pétur dæmir víti eftir talsverða umhugsun. Rangur dómur, aukaspyrna og spjald á loft hefði verið rétt niðurstaða. Myndi vel skilja KR-inga ef þeir kalla eftir VAR eftir þennan leik.

- Meðalaldur 6 ár