Þetta var alvöru baráttu leikur þar sem bæði liðin sköpuðu sér mörg góð færi. Í byrjun fyrri og seinni hálfleik voru Þór/KA mikið sterkari, en náðu bara ekki að klára sín færi.

Leikurinn var spennandi með mörg atvik sem héldu manni á tánum. Svo var gaman í lokinn þegar var sungið afmælis sönginn fyrir Rebekku og gefið henni blómvönd. Fjölskylda hennar var mætt á völlinn og voru með mikil læti sem var flott að sjá!

Þrátt fyrir sigur endar KR þetta tímabil í neðsta sæti Bestu deild kvenna og mun spila næsta tímabil í Lengjudeildinni. Þór/KA enda tímabilið í 7. sæti.

Það vantaði að klára þau mörg færi sem Þór/KA fengu. Sandra María fékk algjört dauðafæri að koma Þór/KA 2-3 yfir, þar sem hún þurfti bara að pota boltanum í autt mark. Annars var þetta alvöru baráttu leikur og vel spilað hjá báðum liðum.

Vel dæmdur leikur hjá Gunnari Freyr og teyminu hans. Báðir vítadómarnir voru réttir og hann leyfði góðu flæði í þessum leik