Blikar voru einfaldlega miklu betra liðið í kvöld. Þetta var held ég besta frammistaða Blika í sumar, vörnin frábær, miðjan fúnkeraði fullkomlega og sömuleiðis framlínan og sköpuðu Blikar sér mörg góð færi og góðar stöður og var þetta því mjög sanngjarn sigur. Allir sem sáu þennan leik hvort það var heima í stofu eða á vellinum geta verið sammála um það.

Þetta rosalega mark Högga sem gefur Blikum svo mikið, að komast í 2-0 (3-1 samtals) gerði svo rosalega mikið fyrir Blika og það var ekki að skemma að boltinn endaði bara uppi í hægra horninu, geggjað mark.

Blikar eru komnir áfram í 2. umferð undankeppni Meistaradeildar Evrópu og fá þeir FCK í heimsókn strax á þriðjudaginn næsta.

Ég er í góðu skapi í kvöld og sleppi því að gefa einhverjum leikmanni Shamrock Rovers "Vondan dag"

Virkilega vel dæmdur leikur hjá Svíanum, ekkert út á hann að setja.