Vestri var með algjöra yfirburði í fyrri hálfleik og leiddu gestirnir verðskuldað í hálfleik. Fjölnir var betra liðið í seinni hálfleik en yfirburðir þeirra voru ekki eins og yfirburðir Vestra í þeim fyrri. Heilt yfir í þessu einvígi var Vestraliðið betra.

Rauða spjaldið á Bjarna. Glórulaust spark í Túfa eftir einvígi þeirra á milli. Pirringur, stundarbrjálæði. Það voru áfram 20 leikmenn á vellinum, en Fjölnir skapaði sér ekkert af ráði eftir þetta spjaldið og margir munu spyrja sig ef og hefði.

Vestri fer í úrslitaleik gegn Aftureldingu um sæti í Bestu deildinni. Úrslitaleikurinn fer fram á laugardag á Laugardalsvelli.

Þetta box var uppfært. Höfundur full dramatískur. Bjarni missti hausinn, stórt augnablik sem hafði gífurleg áhrif á leikinn. Hann veit það sennilega best sjálfur.

Leyfði talsverða hörku á tímum en féll líka í gryfjur klókra leikmanna. Að mínu mati átti Vestri að fá víti en sem betur fer réði sú ákvörðun ekki úrslitum. Rauðu spjöldin 100% rétt.