Sæbjörn Þór Þórbergsson Steinke @saebjornth

- Meðalaldur 17 ár

- Meðalaldur 22 ár

Textalýsing Skýrslan Viðtöl

Hvað réði úrslitum? Markverðirnir voru virkilega góðir í þessum leik og sáu til þess að mörkin urðu engin. Það hins vegar vantaði gæði í lokasendingar liðanna í leiknum og voru þær eiginlega alltaf auðlesnar og því komu fá dauðafæri. Leikurinn var hins vegar mjög skemmtilegur og alltaf spennandi. Bestu leikmenn 1. Frederik Schram Varði víti og varði svo frábærlega í seinni hálfleik til að halda Fylki í núll mörkum. 2. Ólafur Kristófer Helgason Frábær í marki Fylkis og var mjög öruggur í sínum leik. Ásgeir Eyþórsson og Matthias Præst fá einnig nafnið sitt í þetta box. Atvikið Vítaspyrnan og svo þegar Patrick Pedersen hittir ekki boltann í markteignum eftir um 70 mínútna leik. Boltinn barst út á Kidda Frey sem á skot í varnarmann og yfir. Það var stóra færið hjá Val.

Hvað þýða úrslitin? Valur er í 3. sæti deildarinnar sem stendur með fjögur stig. Valsliðið horfir líklega á þetta sem tvö töpuð stig. Fylkisliðið er komið á blað, tvær fínar frammistöður hjá liðinu í byrjun móts. Vondur dagur Orri Sveinn fyrir að klikka á víti er alltaf klassískt, en heilt yfir frábær í leiknum, spyrnan var samt mjög slök. Gísli Laxdal var í brasi á báðum endum vallarins en mögulega er eitt sjónarhorn sem fær menn til að efast um að þetta hafi verið vítaspyrna. Patrick Pedersen sást mjög lítið í leiknum og náðu miðverðir Fylkis að loka mjög vel á hann. Það eru fleiri í Valsliðinu sem gera tilkall, eiga að geta gert betur á síðasta þriðjungi. Föst leikatriði Vals voru líka mikil vonbrigði. Valsliðið er með Gylfa að taka spyrnunar og Hólmar Örn, Orra Sigurð og Patrick inn á teignum en það skapaðist engin hætta eftir föst leikatriði. Dómarinn - 8 Dæmdi leikinn virkilega vel fannst mér, gott flæði í leiknum og tilfinningin að þetta hafi verið klárt víti. Er ekki viss með vítatilkallið hjá Fylki svo ég læt það liggja milli hluta.

- Meðalaldur 23 ár

- Meðalaldur 26 ár