Fótbolti.net

Keflavík

ÍR

Hafliði Breiðfjörð @haflidib

0-1 Bragi Karl Bjarkason '24 , víti

Valur Þór Hákonarson '26 1-1

1-2 Stefán Þór Pálsson '45

03.05.2024 - 19:15
Nettóhöllin-gervigras
Lengjudeild karla
Dómari: Helgi Mikael Jónasson
Áhorfendur: 300
Maður leiksins: Vilhelm Þráinn Sigurjónsson, ÍR

Myndir: Fótbolti.net - Hafliði Breiðfjörð

Byrjunarlið:

('61)

('62)

('81)

- Meðalaldur 25 ár

Varamenn:

('62)

('61)

('81)

- Meðalaldur 33 ár

Liðsstjórn:

Gul spjöld:

Ásgeir Helgi Orrason ('63)

Frans Elvarsson ('91)

Rauð spjöld:

Skýrslan

@haflidib Hafliði Breiðfjörð

Skýrslan: Sýnikennsla í dómgæslu þegar ÍR byrjaði á sigri gegn klaufabárðum úr Keflavík

Hvað réði úrslitum?

Maður skynjaði svo áberandi ástríðuna í liði ÍR í dag, þeir eru komnir í deildina til að láta að sér kveða. Það er orðinn ofnotaður frasi í þessari deild að segja að þeir hafi viljað þetta meira en þannig var það bara í dag. Svo auðvitað skiptir máli að fá góða stuðningsmannasveit með úr Breiðholtinu sem hjálpaði ÍR yfir þröskuldinn. Auk þess fannst mér allskonar klaufaskapur til baka oft á tíðum hjá Keflavíkurliðinu og á tímabili langaði mig til að finna klaufabárðalagið og spila það yfir leiknum.

Bestu leikmenn

1. Vilhelm Þráinn Sigurjónsson, ÍR

Alveg frábær í marki ÍR í dag, varði tvisvar glæsilega einn á móti manni sem sem hafði sloppið einn í gegn og hafið góða stjórn á því sem hann á að gera í fótboltaleikjum. Stýrði teignum sínum vel. Góður markvörður.

2. Alexander Kostic, ÍR

Ótrúlega duglegur á miðjunni og útsjónarsamur. Góður leikur hjá Alexander í dag.

Atvikið

Ég held að margir ÍR-ingar hafi fengið hland fyrir hjartað í uppbótartíma þegar gamli ÍR-ingurinn Sindri Snær Magnússon komst í dauðafæri í teignum og þrumaði að marki ÍR. Skotið fór í stöngina nær og þaðan eftir marklínunni og afturfyrir hinum megin. Munaði engu að Keflavík hefði jafnað metin.

Hvað þýða úrslitin?

Fyrir lið eins og ÍR sem búist er við að muni berjast fyrir lífi sínu í deildinni þá munu þrjú stig gegn toppliðinu telja mikið þegar talið verður upp úr hattinum í haust. Nema þeir taki bara upp á því að nýta meðbyrinn til að verða spútnik lið sumarsins. Það skyldi þó aldrei verða? Keflavík þar ekki að hafa áhyggjur, þeir eru með hörku mannskap og hljóta að keyra sig í gang í næsta leik. Þetta var annar leikur liðsins á gervigrasinu í Njarðvík í upphafi móts en næsti heimaleikur fer fram á grasinu þeirra í Keflavík, þar líður þeim best.

Vondur dagur

Ef Keflavík ætlar að vera topplið í deildinni í sumar þá þarf að skora mörk. Mér fannst eiga að koma meira út úr Degi Inga Valssyni í framlínunni. Hann er virkilega góður leikmaður þegar hann er á deginum sínum en mér fannst skorta verulega á ógn frá honum í dag.

Dómarinn - 10

Frábær dómgæsla hjá Helga Mikael. Hann var með sýnikennslu hvernig á að dæma fótboltaleiki. Það hefur verið mikið gagnrýnt í sumar hvernig dómarar hafa dreift gulum spjöldum eins og karamellum á fótboltaleikjum en það var allt annað í gangi hjá Helga Mikael í kvöld. Hann stýrði spennustiginu hjá leikmönnum með tiltölum og jafnvel alvarlegu tiltali. Spjöldin þrjú sem hann lyfti voru fyllilega verðskulduð og réttur dómur. Til að einfalda honum verkið var framkoma þjálfara og sér í lagi annarra starfsmanna á hliðarlínunni til mikillar fyrirmyndar, ekkert óþarfa öskur og tuð í algjöru lágmarki.

Byrjunarlið:

('73)

('56)

- Meðalaldur 28 ár