Sverrir Örn Einarsson @SEinarsson

- Meðalaldur 13 ár

- Meðalaldur 19 ár

Textalýsing Skýrslan Viðtöl

Hvað réði úrslitum? FH liðið var hreinlega talsvert sterkara. Ekki bara fótboltalega séð heldur líka líkamlega. Þær settu meiri kraft í sínar tæklingar, voru á undan í flest fráköst og voru mögulega tilbúnar til að hlaupa aðeins meira og af aðeins meiri krafti heldur en Fylkir. Tökum þó ekkert af Fylki sem lagði líf og sál í verkefnið, nokkuð sem sem skilaði þó ekki stigum í dag. Bestu leikmenn 1. Breukelen Lachelle Woodard Tvö mörk í dag og var að valda varnarlínu Fylkis miklum hausverk. Áræðin og alltaf tilbúin í að keyra áfram. 2. Valgerður Ósk Valsdóttir Margar fyrirkallaðar en Valgerður hreppir hnossið. Auðvelt að segja það þar sem hún skoraði en auk þess barðist hún vel fyrir lið sitt og skilaði góðu dagsverki. Atvikið Þau eru í raun tvö. Vigdís Edda Friðriksdóttir sneri aftur á völlinn eftir meiðsli fyrir FH en hún hefur ekki leikið mótsleik fyrir FH í rétt tæpt ár. Átti prýðis síðari hálfleik og skilaði góðu verki. Þá verður einnig að minnast á Bergdísi Fanney Einarsdóttur sem kom inná hjá liði Fylkis undir lokin og tókst á stuttum tíma að leggja upp mark. Bergdís Fanney eignaðist barn fyrir aðeins um þremur mánðum síðan og verður það að teljast afrek út af fyrir sig að snúa svo snemma á völlinn aftur eftir barnsburð.

Hvað þýða úrslitin? FH fer í 22 stig í 5.sæti deildarinnar. Fylkir í 9.sætinu með 9.stig Vondur dagur Abigail Patricia Boyan virkaði nokkuð pirruð á vellinum í dag og fannst mér það bitna nokkuð á hennar leik. Var í harðri baráttu á miðjum vellinum og virtist það fara nokkuð í skapið á henni. Uppskar á endanum gult spjald við mikin fögnuð stuðningsmanna FH í stúkunni. Dómarinn - 4 Ég ætla bara að vera heiðarlegur með það að mér fannst Ásmundur Þór bara ekki góður í dag. Setur pínu tóninn þegar hann sleppir Íris Unu við gult spjald eftir að hún teikar leikmann FH góða 10-15 metra. Þess utan fannst mér hann oft hreinlega dæma á eitthvað bara til þess að fá að vera með í leiknum. Stöðvar hratt upphlaup FH og lætur þær taka aukaspyrnu á eigin vallarhelmingi í stað þess að beita hagnaði og ýmislegt annað. Gef honum það þó að vítaspyrnudómurinn kann að vera réttur þó deildar meiningar séu um.

- Meðalaldur 4 ár

- Meðalaldur 24 ár