Stefán Marteinn Ólafsson @Stefanmarteinn7

- Meðalaldur 27 ár

- Meðalaldur 24 ár

Textalýsing Skýrslan Viðtöl

Hvað réði úrslitum? Afturelding voru hægir í gang og stálheppnir að lenda ekki undir snemma en um leið og þeir komust í takt þá fannst mér þeir taka öll völd á leiknum og sigurinn því fullkomnlega verðskuldaður. Þeir ógnuðu meira og hefðu hæglega geta bætt við fleirri mörkum hér í kvöld. Víkingar valda mér smá áhyggjum því þeir virðast eitthvað vanstilltir í síðustu leikjum. Sölvi þarf að leysa úr þeirri flækju sem allra fyrst. Bestu leikmenn 1. Jökull Andrésson Hann á risastóra vörslu frá Gylfa í upphafi leiks. Var traustur aftast og gefur varnarlínunni sinni mikla ró og yfirvegun. 2. Hrannar Snær Magnússon Ógnaði með hraða sínum og krafti. Sótti vítið sem hann skoraði svo sjálfur úr og fær því pláss hérna. Var erfiður viðreignar í kvöld. Atvikið Alveg í upphafi leiks þá fær Gylfi Þór Sigurðsson kjörið tækifæri til þess að koma Víkingum yfir en Jökull Andrésson étur það. Það gaf heimamönnum byr undir báða vængi. Svo verður að nefna Vítaspyrnuna hjá Hrannari Snær Magnússyni. Fyrsta mark Aftureldingar í efstu deild og um leið sigurmarkið.

Hvað þýða úrslitin? Sögulegur sigur fyrir Aftureldingu þar sem þetta var þeirra fyrsti sigur í efstu deild. Þeir fara í fjögur stig á meðan Víkingar verða áfram með sín sex. Vondur dagur Gylfi Þór Sigurðsson hefði átt að skora í upphafi leiks. Hann á kannski versta mómentið í leiknum fyrir sína menn. Víkingar í heild áttu slæman dag. Dómarinn - 7 Einstaka atvik sem hægt að að pikka út. Einhver spjöld sem hefðu alveg mátt sleppa því að fara á loft en heilt yfir þá var þetta bara mjög vel dæmdur leikur að mínu mati.

- Meðalaldur 28 ár

- Meðalaldur 25 ár