Haraldur Örn Haraldsson @haraldur_orn

- Meðalaldur 25 ár

- Meðalaldur 24 ár

Textalýsing Skýrslan Viðtöl

Hvað réði úrslitum? Þetta var einn allra leiðinlegast fótboltaleikur sem undirritaður hefur séð. Sem betur fer borguðu liðin manni til baka á loka mínútunum og við fengum smá dramatík. Eyjamenn eiga nokkrar góðar mínútur í lokin og skora úr því, svo jafnar Kjartan Kári metin fyrir FH úr aukaspyrnu á lokasekúndunum. Bestu leikmenn 1. Kjartan Kári Halldórsson (FH) Kjartan fær þetta aðallega út af þessu jöfnunarmarki. Annars átti hann bara allt í lagi leik. 2. Arnar Breki Gunnarsson (ÍBV) Arnar kom með orku inn í Eyja liðið, sem var innspýtingin sem skóp þetta mark sem þeir skora. Atvikið Markið á loka sekúndunum er auðvitað atvikið. Föst spyrna hjá Kjartani sem fer af varnarmanni og Zapytowski var farinn í öfuga átt.

Hvað þýða úrslitin? FH er komið í 5. sæti deildarinnar með 26 stig. ÍBV er hins vegar aðeins stigi á eftir, en eru í 9. sæti. Baráttan um að enda í efri sex eftir skiptingu er því gríðarlega jöfn. Vondur dagur Áhorfendur, og þá sérstaklega þeir sem nenntu þessu ekki lengur og fóru af vellinum eða slökktu á sjónvarpinu fyrir 88. mínútu. Allt of margir leikmenn sem spiluðu ekkert sérstaklega vel til að henda bara einum undir rútuna. Dómarinn - 7 Eyjamenn voru ekki ánægðir með Gunnar Odd en ég er ósammála þeim. Leikurinn heilt yfir var frekar vel dæmdur af mínu mati, eina var að mér fannst Gunnar fara full auðveldlega í vasann í leit að spjöldum. Eyjamenn voru óánægðir með aukaspyrnuna í lokin, það var hins vegar hárrétt dæmt hjá Gunnari. Hún var dæmd um 15 sekúndum fram yfir uppbótartímann, en ÍBV hafði gert skiptingu, sem útskýrir það. FH fær ekki tvöfaldan séns, því það er enginn hagnaður í því að eftir brotið tekur Böðvar fyrirgjöf sem fer á engann.

- Meðalaldur 25 ár

- Meðalaldur 25 ár