Liðin ganga inn á völlinn á meðan upphafslagið úr Game of Thrones hljómar í hátalarakerfinu.

KA spilar í hvítum og rauðum varabúningum sínum í dag. Að sjálfsögðu eru nokkrir Schiötarar mættir að styðja sína menn.

Sólin skín á áhorfendu hér í Grindavík. Smá gola á annað markið. Held samt að heimamenn kalli þetta logn.

Jónas Þórhallsson, formaður knattspyrnudeildar, mætir í fréttamannastúkuna með leikskýrslur og veigar. Toppmaður.

Andri Rúnar Bjarnason, markahæsti leikmaður deildarinnar, er mættur langfyrstur út á völl að hita upp. Spjallar við Óla Stefán þjálfara áður en hann fer að leika sér með boltann.

Andri var tæpur fyrir leikinn og heyrst hefur hér í Grindavik að hann gangi ekki alveg heill til skógar. Hann ætlar samt að spila.

Andri Rúnar Bjarnason og Kristijan Jajalo, sem hafa verið í stóru hlutverki hjá Grindavík í sumar, byrja báðir en þeir voru tæpir fyrir leikinn.

Mikil forföll eru hjá Grindavík en þeir Björn Berg Bryde og Sam Hewson eru í leikbanni auk þess sem Hákon Ívar Ólafsson, Juanma Ortiz, Magnús Björgvinsson, Rodrigo Gomes Mateo,

Hinn tvítugi Marinó Axel Helgason er í byrjunarliði í dag í fyrsta skipti í Pepsi-deildinni. Fimm af sjö varamönnum Grindvíkinga koma síðan úr 2. flokki félagsins.

Davíð Rúnar Bjarnason, fyrirliði KA í fyrra, spilar sinn fyrsta leik á tímabilinu í dag. Óttast var að Davíð yrði frá út tímabilið en hann er klár í slaginn.

Þetta eru frábærar fréttir fyrir KA, sérstaklega þar sem Guðmann Þórisson er fjarverandi. Davíð spilar við hlið Callum Williams í vörninni í dag en Aleksandar Trninic fer aftur á miðjuna þar sem hann var mjög öflugur í byrjun móts.

Davíð er þó ekki með fyrirliðabandið í dag en Hallgrímur Mar Steingrímsson ber það í dag líkt og hann hefur gert síðan að Guðmann meiddist.

Ólafur Aron Pétursson dettur út úr liðinu sem og Hrannar Björn Steingrímsson en Bjarki Þór Viðarsson kemur inn í hægri bakvörðinn fyrir hann.

Kjartan Atli Kjartansson er spámaður umferðarinnar á Fótbolta.net.

Grindavík 1 - 2 KA
Akureyringar sækja stig í Grindavík. Meiðslin setja strik í reikninginn hjá Grindjánum í baráttu gulu nýliðanna. Ásgeir Sigurgeirsson skorar bæði mörkin, en þess má geta að hann er frændi Hjörvars Hafliðasonar (eins og Bjarni Ben).

Þegar þessi lið mættust hér í Grindavík í Inkasso-deildinni í fyrra urðu lokatölur 2-2. KA hafði síðan betur 2-1 í leiknum á Akureyri.

Björn Berg Bryde og Sam Hewson taka út leikbann hjá Grindavík í dag.

Auk þeirra eru þeir Hákon Ívar Ólafsson, Juanma Ortiz, Magnús Björgvinsson og Rodrigo Gomes Mateo allir á meiðslalistanum.

Markahrókurinn Andri Rúnar Bjarnason er einnig tæpur fyrir leikinn í dag sem og Will Daniels. Markverðirnir Kristijan Jajalo og Maciej Majewski eru einnig tæpir fyrir leikinn vegna meiðsla.

Guðmann Þórisson, varnarjaxl KA, er ennþá frá keppni auk þess sem Archange Nkumu hefur verið að glíma við meiðsli í nánast allt sumar.

Gleðilegan sunnudag.

Hér verður fylgst með leik Grindavíkur og KA í 10. umferð Pepsi-deildarinnar.

Um er að ræða slag nýliðanna en þeir hafa báðir komið inn í deildina af krafti. Grindavík er fyrir leikinn í 2. sæti með 18 stig en KA er með 12 stig í 6. sætinu.