FH
1
0
Leiknir R.
Steven Lennon '93 1-0
29.07.2017  -  14:00
Kaplakrikavöllur
Borgunarbikar karla
Aðstæður: Frábærar aðstæður. Völlurinn frábær, veðrið gott.
Dómari: Þóroddur Hjaltalín
Maður leiksins: Pétur Viðarsson
Byrjunarlið:
12. Vignir Jóhannesson (m)
4. Pétur Viðarsson
5. Bergsveinn Ólafsson
6. Robbie Crawford
7. Steven Lennon
8. Emil Pálsson ('68)
11. Atli Guðnason
17. Atli Viðar Björnsson
20. Kassim Doumbia
21. Böðvar Böðvarsson
22. Halldór Orri Björnsson ('68)

Varamenn:
1. Gunnar Nielsen (m)
16. Jón Ragnar Jónsson
18. Kristján Flóki Finnbogason ('68)
23. Þórarinn Ingi Valdimarsson

Liðsstjórn:
Heimir Guðjónsson (Þ)
Ólafur Páll Snorrason
Davíð Þór Viðarsson
Bjarni Þór Viðarsson
Eiríkur K Þorvarðsson
Guðjón Örn Ingólfsson
Ólafur H Guðmundsson
Sædís Magnúsdóttir

Gul spjöld:
Robbie Crawford ('8)

Rauð spjöld:
Leik lokið!
Leiknum er lokið. Leiknismenn mega vera súrir og svekktir. Háðu góða baráttu. En FH er komið í bikarúrslit í fyrsta sinn síðan 2010. Skýrsla og viðtöl á leiðinni.
93. mín MARK!
Steven Lennon (FH)
MAAARRRRKKKK!!!! Steven Lennon tryggir FH í bikarúrslitin held ég að óhætt sé að segja með upp á sitt einsdæmi. Náði með harðfylgni að komast næstum upp að endamörkum Leiknis, náði skotinu að markinu og inn fór boltinn.
91. mín
Steven Lennon með skot að marki Leiknis sem fór langt yfir markið.
90. mín
90 mínútur komnar á klukkuna og það er 3 mínútum bætt við.
89. mín
Mínúta eftir af venjulegum leiktíma. Það er eitthvað sem segir mér að FH vilji ekki fara í framlengingu, nýkomnir úr erfiðum leik í Evrópu og eiga annan slíkan framundan á miðvikudaginn.
85. mín
Það verður bara að segjast eins og er að það er hálf ótrúlegt að FH séu ekki búnir að skora í þessum leik. Þeir eru svosem ekki búnir að eiga nein mörg hættuleg færi en þeir eru búnir að liggja í sókn meira og minna allan leikinn.
82. mín
FH með fína sókn sem endaði með að Beggi rúllaði boltanum á Atla Viðar sem einhvernveginn hljóp með boltann til Eyjólfs í markinu. Náði ekki skoti að marki.
80. mín
Ekki mikið að gerast þessar mínúturnar.
73. mín
Staðan er einfaldlega þannig að það getur enn allt gerst í þessum leik. Manni finnst FH vera líklegri en Leiknismenn eiga alveg möguleika og hafa sýnt fína takta á köflum.
72. mín
Inn:Kolbeinn Kárason (Leiknir R.) Út:Aron Fuego Daníelsson (Leiknir R.)
68. mín
Það kemur ekki á óvart að Heimir geri tvöfalda skiptingu. Er væntanlega ekki sáttur við að sínir menn séu ekki búnir að gera út um leikinn.
68. mín
Inn:Kristján Flóki Finnbogason (FH) Út:Halldór Orri Björnsson (FH)
68. mín
Inn:Davíð Þór Viðarsson (FH) Út:Emil Pálsson (FH)
64. mín
NAUUUJJJJJJJ! Leiknismenn bjarga á línu eftir skalla frá að ég held Bödda löpp.
61. mín
Þrátt fyrir að vera búnir að vera sterkari aðilinn í leiknum og meira með boltann hafa FH-ingar ekki náð að skapa sér nógu hættuleg færi. Leiknismenn eru þéttir fyrir og það má alveg minnast á það að þeir eru búnir að slá út tvö pepsídeildar lið í sumar, Grindavík og ÍA. Því getur allt gerst.
60. mín
Inn:Anton Freyr Ársælsson (Leiknir R.) Út:Árni Elvar Árnason (Leiknir R.)
59. mín
Þarna var Aron Fuego alltof lengi að hlutunum. Leiknismenn komust tveir á einn inn fyrir vörn FH, Aron fékk boltann og var of lengi að athafna sig og Pétur Viðars náði að komast inn fyrir hann og renna sér í boltann.
57. mín
FH með sína áttundu hornspyrnu í leiknum.
54. mín
Kassim haltar eða stingur aðeins við eftir að hafa hoppað upp í skalla eftir hornspyrnu. Virðist þó ætla að harka þetta af sér.
51. mín
FH byrjar þennan seinni hálfleik líkt og þeir spiluðu fyrri hálfleikinn, með mikilli pressu og ákefð.

46. mín
Seinni hálfleikur hafinn. Fáum við mörk eða fer þetta í framlenginu og vító? Kemur allt í ljós á næstu 45 mínútum eða svo.
45. mín
Hálfleikur
Það er komnin hálfleikur. FH er búið að vera sterkari aðilinn í leiknum án þess að hafa nýtt sér þá yfirburði. Ég ætla að fá mér kaffi og með því. Heyrumst eftir nokkrar.
45. mín
45 mínútur komnar á klukkuna. Það verður ekki miklu bætt við.
41. mín
EYJÓLFUR! Þvílík markvarsla hjá drengnum. Atli Viðar einn á móti Eyjólfi en Eyjólfur gerði meira en vel í að verja góðan skalla Atla Viðars.
35. mín
Böddi löpp með skalla yfir mark Leiknis eftir hornspyrnu.
32. mín
Úfff og aftur úff og aftur úff! Ingvar Ásbjörn náði einhvernveginn að koma skoti að marki FH næstum upp við endalínu í teig FH, boltinn rúllaði í gegnum vörnina og fór í utanverða stöngina. Munaði svooooo litlu.
29. mín
Leiknismenn sem hafa barist eins og ljón þennan hálftíma eru aðeins að sækja í sig veðrið. Þeir geta verið hættulegir og ógnandi í skyndisóknum og það er það sem mér sýnist ætla að vera þeirra aðferð í dag.
25. mín
Þetta er gríðarlega skemmtilegur leikur. Hraður og fjörugur. FH er búið að vera meira í sókn og meira með boltann og eru líklegri. Leiknismenn eru að taka sína aðra hornspyrnu.
23. mín
Úffff! Aftur ÚFFFF. Kassim ,,the dream" með þrusu skalla að marki sem Eyjólfur varði sýndist mér, boltin barst út í teig þar sem það kom skot að marki en aftur stóð Eyjólfur og vörnin sína plikt.
19. mín
Afhverju skaut Atli Viðar ekki?! Hann var einn og óvaldaður í vítateigsboganum en sendi boltann frekar á Steven Lennon sem átti lélegt skot innan úr teignum.
18. mín
Úffff! Leiknismenn geystust upp í sókn. Boltinn barst til Arons Fuego sem stóð inni í teig FH en móttaka hans var ekki nógu góð, það var eins og hann ætti ekki von á að fá boltann og færið fór út í sandinn. Mátti litlu muna.
14. mín
Það er stundum sagt að markið liggji í loftinu. Það má segja það núna. FH eru mjög líklegir í að skora. Leiknismenn hinsvegar eru að gera vel í að loka á sóknartilburði FH-inganna.
13. mín
FH-ingar eru að auka sóknarþunga sinn þessar mínúturnar og eru búnir að fá tvær hornspyrnur í röð en enn hefur það ekki skilað sér í marki.
11. mín
Þung sókn FH sem skilar af sér hornspyrnu.
8. mín Gult spjald: Robbie Crawford (FH)
Robbie Crawford fær gult spjald fyrir peysutog og svona smá kýting inni á vellinum við leikmann Leiknis.
7. mín
Það er nú ekki mikið búið að gerast þessar fyrstu 7 mínútur sem markvert er að segja frá.
2. mín
Pétur Viðarsson spilar með umbúðir utan um höfuðið. Hann meiddist víst eitthvað á höfði á æfingu fyrir evrópuleikinn á móti Maribor.
1. mín
Leikur hafinn
Leikurinn er byrjaður. FH spilar í átt að miðbæ Hafnarfjarðar en Leiknismenn í átt að Costco eða svona því sem næst. #NoAd
Fyrir leik
Skemmtilegur moli á ferðinni. Valur Gunnarsson markmannsþjálfari Leiknis var markmannsþjálfari Stjörnunnar í undanúrslitaleik þeirra á móti ÍBV vegna þess að Fjalar Þorgeirsson sem er markmannsþjálfari Stjörnunnar venjulega, var staddur í Hollandi að fylgjast með EM kvenna.
Fyrir leik
Það er að venju frábærar aðstæður til knattspyrnuiðkunnar í Krikanum. Völlurinn lítur frábærlega út og það er gott veður. Ekki hægt að biðja um það betra. Fólk er að byrja að týnast saman inn í stúkuna. Mér sýnist að það verði flott mæting.
Fyrir leik
30 mínútur í að fjörið hefjist. Þóroddur Hjaltalín er flautuleikari dagsins. Honum til aðstoðar eru þeir Frosti Viðar Gunnarsson sem er AD1 og Eðvarð Eðvarðsson er AD2. Eftirlitsmaður er Þórður Georg Lárusson og varadómari er Þorvaldur Árnason.
Menn eru byrjaðir að Púbba sig upp í Hafnarfirðinum.


Fyrir leik
Leiknismenn þurfa að gera breytingar á sínu liði eins og fram hefur komið. Ísak Atli Kristjánsson, Skúli E. Kristjánsson Sigurz, Aron Fuego Daníelsson og Daði Bærings Halldórsson koma allir inn í byrjunarliðin.
Fyrir leik
Byrjunarliðin eru komin og eins sjá má að þá er Vignir Jóhannesson í marki FH en ekki Gunnar Nielsen. Atli Viðar Björnsson er í byrjunarliðinu líka sem og Halldór Orri Björnsson. En þeir voru ekki í byrjunarliðinu á móti Maribor. Davíð Þór Viðarsson, Gunnar Nielsen, Kristján Flóki eru á bekknum. En það vekur líka athygli að Ólafur Páll Snorrason sem er aðstoðarþjálfari FH er á bekknum.
Fyrir leik
Leiknismenn hafa verið að valda vonbrigðum í deildarkeppninni. Þeir sitja í 9 sæti Inkasso deildarinnar og töpuðu síðasta leik sem var á móti Fram 3 - 0.
Elvar Geir Magnússon
Fyrir leik
FH voru að spila í Slóveníu á móti Maribor á miðvikudaginn í undankeppni meistaradeildarinnar. Þeir töpuðu þeim leik 1 - 0 og verður að segjast að það eru góð úrslit. Ef FH nær að næla í sigur í heimaleiknum á n.k. Miðvikudag eru þeir komnir í playoffs um að spila í meistaradeildinni og jafnvel þótt að þeir tapi þeim leik að þá eru þeir komnir í riðlakeppni Evrópudeildarinnar. Því er spurning um hvort þessi Evrópukeppni sé að taka allan fókus þeirra og hvort að það muni hafa áhrif í dag.
Fyrir leik
Leiknir R. mætti eftirfarandi liðum á leið sinni í undanúrslitaleikinn.
Stokkseyri - Leiknir: 0 - 5
Leiknir R. - Þróttur R: 2 - 1
Leiknir R - Grindavík: 6 - 5
Leiknir R - ÍA: 2 - 1
Fyrir leik
FH mæti eftirfarandi liðum á leið sinni í undanúrslitaleikinn.
FH - Sindri: 6 - 1.
FH - Selfoss: 2 - 1
Fylkir - FH: 0 - 1
Ég vil minna fólk á að vera duglegt að tjá sig á twitter og nota myllumerkið #fotboltinet
Fyrir leik
Leiknismenn hafa aldrei komist í undanúrslit bikarsins. FH þekkir það aftur á móti að komast svona langt. Þeir meira að segja hafa sigrað keppnina tvisvar sinnum. FH komst í fyrra í undanúrslit en tapaði 0 - 1 fyrir ÍBV. Þeir hinsvegar hafa ekki unnið bikarinn síðan 2010 og er það í síðasta þar sem þeir komust í úrslitaleikinn.
Fyrir leik
FH og Leiknir mættust í 16 liða úrslitum Borgunarbikarsins í fyrra þar sem FH flengdu Leiknismenn 4 - 1. Hvort að svipuð niðurstaða muni eiga sér stað í dag kemur í ljós um kl. 16:00.
Fyrir leik
Fyrri undanúrslitaleikurinn var spilaður í fyrradag í Garðabænum þar sem ÍBV vann óvæntan sigur á Stjörnunni. Held að mér sé óhætt að segja að sá sigur hafi verið óvæntur. En það þýðir að Eyjamenn eru komnir annað árið í röð í úrslit Borgunarbikarsins og sigurvegararnir úr FH - Leiknir mæta þeim.
Fyrir leik
Guðmundur Karl Guðmundsson leikmaður FH er svo í leikbanni í dag.
Fyrir leik
Leiknismenn verða án fjögurra lykilmanna í dag og það munar um minna. Halldór Kristinn Halldórsson (spilandi aðstoðarþjálfari), Brynjar Hlöðversson (fyrirliði) og Kristján Páll Jónsson eru allir í banni hjá Leikni. Elvar Páll Sigurðsson er svo ökklabrotinn og spilar ekki meira í sumar.
Fyrir leik
Komiði sæl og blessuð. Ég heilsa ykkur úr blíðunni í Hafnarfirðinum. Núna kl. 14:00 hefst leikur í undanúrslitum Borgunarbikarins. Heimamenn í FH taka á móti Breiðhyltingunum í Leikni. Þetta verður eitthvað.
Byrjunarlið:
Eyjólfur Tómasson
2. Ísak Atli Kristjánsson
3. Ósvald Jarl Traustason
4. Bjarki Aðalsteinsson (f)
5. Daði Bærings Halldórsson (f)
7. Ingvar Ásbjörn Ingvarsson
8. Árni Elvar Árnason ('60)
10. Ragnar Leósson
16. Skúli E. Kristjánsson Sigurz
17. Aron Fuego Daníelsson ('72)
80. Tómas Óli Garðarsson

Varamenn:
1. Hrólfur Vilhjálmsson (m)
9. Kolbeinn Kárason ('72)
10. Sævar Atli Magnússon
10. Daníel Finns Matthíasson
14. Birkir Björnsson
19. Ernir Freyr Guðnason
23. Anton Freyr Ársælsson ('60)

Liðsstjórn:
Kristófer Sigurgeirsson (Þ)
Valur Gunnarsson
Gunnlaugur Jónasson
Garðar Gunnar Ásgeirsson
Örn Þór Karlsson
Ásbjörn Freyr Jónsson

Gul spjöld:

Rauð spjöld: