Hér ganga liðin út á völlinn og það er ekkert annað en Star Wars lagið sem við þekkjum öll svo vel sem ómar undir.

Ef það er eitthvað lag sem ætti að kveikja í leikmönnum þá er það þetta!

Það er loksins hætt að rigna á Selfossi og ég ætla að vonast til þess að það haldi eitthvað. Það er nú ennþá þungt yfir, en við sjáum hvað gerist.

Völlurinn er rennandi blautur og það ætti ekkert að skemma fyrir!

Hjá Hömrunum eru aðeins tveir varamenn í dag. Nokkuð sérstakt.

Hamrarnir gera tvær breytingar frá tapinu gegn HK/Víking í síðustu umferð. Elva Marý og Helena Rós koma inn í liðið á kostnað Rakelar Sjafnar og Rakelar Óla.

Hjá Selfyssingum kemur lítið á óvart.

Þetta er liðið sem hefur nokkurvegin verið að spila eftir að þær misstu 5 leikmenn út í háskóla. Bekkurinn gríðarlega ungur fyrir utan Katrínu Ýr sem er reynslubolti.

Þá eru byrjunarlið liðanna komin inn!

Þessi lið mættust í fyrri umferðinni á Akureyri þann 1. júlí.

Selfyssingar unnu þann leik nokkuð örugglega 0-3, þar sem Kristrún Rut skoraði tvö og Magdalena Anna eitt. Hamrarnir eru eflaust ánægðar með það að Kristrún spilar ekki í dag þar sem hún er farinn til Danmerkur í háskóla.

Þurfa ekki að fara áhyggjur af henni.

Það er því að miklu að keppa fyrir liðin í dag þrátt fyrir það að þau séu á sitthvorum stað í deildinni.

Það má með sanni segja að veðrið leiki ekki við okkur í dag, það er búið að hellirigna í allan morgun en við skulum vona að það stytti upp þegar það líður á leikinn.

Hamrarnir verið upp og niður í sumar en nú er orðið ljóst að með jafntefli eða sigri hjá þeim í dag falla þær ekki. Það er sennilega eitthvað sem þær vilja vera lausar við fyrir lokaumferðina.

Liðið tapaði gegn HK/Víking í síðustu umferð en þar á undan unnu þær frábæran 1-0 sigur á Keflvíkingum.

Selfyssingar byrjuðu tímabilið brösulega og var ekkert sem benti til þess að þær væru að fara í einhverja toppbaráttu eftir nokkra leiki.

Leikmenn og þjálfarar náðu heldur betur að snúa genginu við og hafa einungis tapað 1 leik í síðustu 12. Þessi tapleikur kom í síðasta heimaleik gegn ÍA.

Málin standa þó þannig að Selfyssingar geta ekki tryggt sætið í dag þrátt fyrir sigur. Liðið getur eftir leikinn í dag verið með 5 stiga forystu á liðin í 2. og 3. sæti en þau eiga þá tvo leiki eftir meðan Selfyssingar eiga einungis einn.

Góðan daginn og margblessaðan sunnudaginn.

Hér á JÁVERK-vellinum á Selfossi fer fram stórleikur á milli Selfoss og Hamranna í 1.deild kvenna en leikurinn er merkilegur fyrir þær sakir að Selfyssingar geta sett 9 fingur á Pepsideildarsæti á næsta ári.