Jæja styttist í þessa veislu! Leikmenn hafa lokið upphitun og gera sig klárar inn í klefa. Mætinginn í stúkuna er slök, hvar er allt fólkið???

Ég spái að minnsta kosti þremur mörkum í dag í sólinni.

Leikmenn eru mættir út á völl að hita upp. Mér sýnist nokkrar hafa verið skynsamar og borið á sig sólarvörn til að brenna ekki enda geislarnir sterkir frá sólinni og það eru almenn leiðindi að brenna ég þekki það!

Það kæmi mér ekkert á óvart ef að Egill "Gillz" Einarsson myndi mæta á Samsung völlinn í kvöld. Það er svo geggjað Ibiza veður úti að Ibiza Fan númer eitt getur ekki látið sig vanta þrátt fyrir að vera Bliki. Það væri synd og skömm að sitja heima og horfa á þennan leik í sjónvarpinu. Ég vil hvetja fólk til að mæta og styðja sín lið í kvöld.
Ég lýg því ekki heldur en það er bara ágætis hitastig í "Frystikistunni" eins og stúkan á Samsung vellinum er oft kölluð svo það er enginn afsökun til að koma ekki í kvöld.

Byrjunarliðin eru klár og má sjá þau hér til hliðar.

Hjá Stjörnunni byrja systurnar Anna María og Adda Baldursdætur ásamt því að markadrottninginn Harpa Þorsteinsdóttir á að stjórna pólítikinni fram á við.

Hjá ÍBV byrjar Shameeka Fishley hvet ykkur til að fylgjast með henni ásamt Kanadíska undrinu Cloe Lacasse og spyrnusérfræðingnum Sóley Guðmundsdóttir

Oliver Sigurjónsson, leikmaður Breðabliks spáir í sjöttu umferð Pepspi-deildar kvenna

Stjarnan 3 - 1 ÍBV
Svindlkonan og verðandi landsliðskona Íslands, Cloé Lacasse, mun skora fyrir ÍBV. Shameeka Fishley hjá ÍBV á að vera svaka leikmaður en teppið og Birna Kristjáns, markmaður Star, fara illa með hana í þessum leik. Harpa hrekkur í gang og skorar, Birna Jó skorar aftur. Svo er ég að reikna með Þórdísi Hrönn undir lokin til þess að jarða leikinn, hún var ekki með í síðasta leik, vona að það sé ekkert alvarlegt og hún klári dæmið.

Elli FM er á flautunni í kvöld og fagna ég því. Hann er flottur dómari á uppleið og er yfirleitt alltaf "on point" þegar kemur að stórum dómum.

Leikirnir á milli þessara liða eru alltaf góðir og mikið um hörku ásamt háu tempói. Ég hvet fólk til að mæta og horfa á unaðslega góða knattspyrnu á fallegu teppi Samsung Vallarins.

Liðin sitja í 4 og 5. sæti deildarinnar með níu og sex stig.

Stjarnan situr í fjórða sætinu og hafa unnið 3 leiki í fyrstu 5.umferðum deildarinnar. Þær unnu HK-Viking 1-0 á útivelli í seinustu umferð en þær hafa átt erfitt með að halda hreinu í upphafi sumars og fengið á sig 10 mörk. Óli breytti úr 5 manna varnarlínu í fjagra manna varnarlínu fyrir bikarleikinn gegn Þór/KA þar sem þær unnu sterkan 2-0 útisigur áður en þær mættu HK/víking í deildinni. Það hefur breytt öllum varnarleik Stjörnunar til hins betra að hafa breytt um varnar uppstillingu.

ÍBV liðið situr hinsvegar í 5.sæti eftir 5 umferðir og hafa unnið tvo af fyrstu fimm leikjunum sínum.
Shameeka Fishley er nýkominn til liðs við eyjastelpur og mun koma til með að styrkja þær verulega. ÍBV hefðu viljað vera með fleiri stig eftir fyrstu umferðirnar en eins og allir vita virðist það alltaf taka eyjastelpur nokkrar umferðir að spila sig saman. Þær hafa spilað við efstu þrjú liðin og tapað þeim öllum en unnu þessa svokölluðu skyldusigra.

Komiði blessuð og sæl og verið hjartanlega velkominn í beina texalýsingu frá lokaleik sjöttu umferðar Pepsí deildar kvenna þar sem við eigast Stjarnan og ÍBV.