Liðin ganga til leiks og vallarþulurinn kynnir þau inn af stakri prýði! Það er high five partý í gangi hjá Stjörnunni á meðan FH stelpur labba beint út á völlinn.

Halla Marínósdóttir er í strangheiðarlegum hvítum skóm sem gætu orðið ansi skítugir á gervigrasinu en hún er greinilega daredevil!

Jæja það styttist í þessa pepsi VEISLU. Já það er í stórum stöfum því þessi leikur mun bjóða upp á lágmark 4 mörk og eitt spjald á bekkin.

Ég er að spá í að henda í smá #Celebvaktinn í kvöld ef ég sé skemmtilega einstaklinga í stúkunni. Kæmi mér lítið á óvart ef að lögfræðingurinn Stefán Daníel væri mættur í stúkuna enda grjótharður Stjörnumaður en einnig mikill aðdáandi IKEA.

Liðin eru að hita upp út á velli. Ef þið voruð að pæla í því samt þá er reitarbolta undrið og veggurinn að hita upp saman hjá Stjörnunni á meðan FH skella sér í halda bolta innan liðs á stuttu 7x7 svæði ef ég er ekki að misreikna mig.

Dómari leiksins er enginn annar en Lögmaðurinn (má ekki segja lögfræðingurinn þá gæti hann sett á mig rautt spjald) Arnar Ingi Ingvarsson. Flottur dómari á uppleið og ég er 97,8% viss um að hann dæmi allt hárrétt í kvöld.

Byrjunarliðin eru klár dömur mínar og herrar!

Í liði Stjörnunar byrjar Veggurinn sjálfur Anna María Baldursdóttir ásamt reitarbolta undrinu Láru Kristínu Pedersen hef heyrt að hún fer aldrei inní í reit og bakverðinum með hollywood nafnið Brittany Lea Basinger!

Hjá FH byrjar túrbínan Helena Ósk Hálfdánardóttir ásamt Guðnýju "Thunderstruck" Árnadóttir og einum besta þríhyrnings spilara norðurlandanna Jasmín Erla Ingadóttir

Það ættu allir að vera byrjaðir að þekkja "Tölfræði" Gumma vin minn. Hann heyrði í landsliðsmarkverðinum Guðbjörgu Gunnars og bað hana að spá fyrir um komandi umferð í pepsí deild kvenna
Guðbjörg Gunnars spáir í 8 umferð pepsí-deildar kvenna

Stjarnan 2 - 2 FH
Ég spái að uppeldisfélagið mitt nái í eitt stig á þessum sterka útivelli í Garðabænum.

Mist Rúnarsdóttir fréttaritari hjá Fótbolti.net er að sötra rauðvín í bústaðnum as we speak henti í spá einnig

2-0 Fyrir Stjörnunni
Þetta verður hörkuleikur. Það verða batamerki á FH-liðinu en Stjarnan klárar sína svokallölluðu skyldusigra og freistar þess að halda í við liðin fyrir ofan.
Formúlan ekkert flókin. Katrín og Harpa með mörkin.

Þórarinn Ingi fyrrum leikmaður FH og núverandi leikmaður Stjörnunar

Spáir Stjörnunni 3-1 sigru og mörkin koma frá Telmu Hjaltalín og Hörpu Þorsteins.

Gamla góða pestin er búin að verja herja á mann undanfarið en maður lætur það ekki á sig fá bombar í sig tveimur góðum sprautum af "Pre cold" og einum hálsbrjóstsykri og áfram gakk! Ekki séns að ég sé að fara missa af þessum geggjaða leik!

Veðurspá kvöldsins: Létt gola í allar áttir, skýjað og úði á köflum...í stuttu máli same old sh** sem hefur verið í allt sumar.

Fyrir leikinn sitja liðin í fjórða og níunda sæti deildarinnar.

Stjarnan er í 4.sæti með markatöluna 15:14 og 13 stig á meðan FH liðið situr í því 9 með markatöluna 9:21 og einungis 3 stig.

En það er ekki þar með sagt að þetta verði auðveldur leikur fyrir Stjörnuna. FH liðið skorar í hverjum einasta leik og þurfa bara að fínpússa varnarleikinn sinn til að byrja safna stigum. Vörn FH er samt að fara eiga við nokkra af skemmtilegri sóknarleikmönnum deildarinnar í dag og verður fróðlegt að sjá hvernig liðið mun koma til með að stilla upp í upphafi leiks til að verjast sóknarleik Stjörnunar.

Komiði blessuð og sæl og verið velkominn í þessa beinu textalýsingu frá Samsung-vellinu í Garðabæ þar sem við eigast Stjarnan og FH í 8. umferð Pepsí-deildar kvenna.