Þá ganga liðin út á völl og Silfurskeiðin hoppar af gleði. Gaman að segja frá því að ég fann stuðningsmenn Nömme Kalju en þeir flagga hér risastórum fánum hægra megin í stúkunni. Það er frábær stemmning hér á Samsung vellinum.

Tíu mínútur í leik og Silfurskeiðin er búin að koma sér vel fyrir. Ég hef hins vegar ekki orðið var við neina stuðningsmenn Nömme Kalju hér á Samsung vellinum.

Samkvæmt heimssíðu UEFA er Samsung völlurinn í topp ástandi. Ég ætla hér með að staðfesta það, enda væri annað skrítið.

Dómarateymi leiksins kemur frá Tékklandi en það er hann Radek Prihdoa. Ég hef ekki trú á öðru en að hann sé toppdómari og mun standa sig með prýði hér í dag.

Byrjunarliðin eru komin hér inn. Heimamenn í Stjörnunni gera eina breytingu á liði sínu en Þorsteinn Már Ragnarsson kemur inní liðið í stað Ævars Inga.

Hjá gestunum byrjar Ellinton Antonio Costa Morais, betur þekktur undir nafninu Liliu. Hann er markahæstur hjá Nömme Kalju en hann hefur skorað 22 mörk í 18 leikjum það sem að er af leiktíðar.

Fyrsta lagið sem boðið er uppá á Samsung vellinum í dag er cover af laginu Sound of Silence með Disturbed. Ekki jafn gott og upprunalega útgáfan að mínu mati en ætti vissulega að peppa upp mannskapinn.

Leikmenn Nömme Kalju eru mættir á Samsungvöllinn og virða fyrir sér teppið. Sé ekki betur en að þeir séu nokkuð ánægðir með það bara. Á sama tíma setur Jón Þór Hauksson, aðstoðarþjálfari Stjörnunnar, niður keilur.

Leikmaður sem að Stjörnumenn þurfa að hafa sérstakar gætur á í dag er hinn 28 ára gamli Brassi Liliu. Þessi sókndjarfi miðjumaður hefur verið á eldi í eistnesku úrvalsdeildinni á þessu tímabili og er kominn með 22 mörk í 18 leikjum. Verður áhugavert að sjá hvernig að hann höndlar íslensku hörkuna.

Liðið sem að vinnur þessa viðureign mætir annaðhvort FCK frá Danmörku eða KuPS Kuopio frá Finnlandi. Sem harður stuðningsmaður íslenska fótboltans og ennþá harðari stuðningsmaður FCK væri draumur að sjá þessi tvö lið áfram. En það er bara mín skoðun.

Stjörnumenn sitja á toppi Pepsi-deildarinnar með 25 stig eftir tólf umferðir en þeir hafa skorað 29 mörk og fengið á sig 16 mörk. Markahæsti leikmaður liðsins er Breiðhyltingurinn Hilmar Árni Halldórsson en hann hefur verið gjörsamlega óstöðvandi í sumar og hefur skorað 13 mörk í 12 leikjum.

Ég ætla að vera fyrsti maður til að viðurkenna að ég veit nákvæmlega ekkert um eistneska boltann og get því með engu móti séð fyrir hvað verður boðið uppá í Garðabænum í dag.

Það sem að ég veit er að Nömme Kalju er í efsta sæti eistnesku úrvalsdeildarinnar eftir átján umferðir. Markatala liðsins er vægast sagt sturluð en þeir hafa skorað 68 mörk og fengið á sig 21. Þetta þýðir að liðið skorar að meðaltali 3,78 mörk í leik. En eins og áður sagði þá þekki ég gæði deildarinnar ekki neitt.

Komiði sæl og blessuð og veriði hjartanlega velkomin í þessa beinu textalýsingu á leik Stjörnunnar og Nömme Kalju frá Eistlandi í Evrópudeildinni á Samsung vellinum.