Eins og glöggir taka kannski eftir þá átti þessi leikur að fara í gang á slaginu 4. Það hefur greinilega orðið einhver töf því leikmenn eru nýkomnir inná völlinn og takast leikmenn nú í hendur

Það vekur athygli mína að það er enginn framherji í liði Víkings í dag. Kwame Quee mun að öllum líkindum byrja fremstur en hann er enginn framherji. Alexander Helgi og Sorie Barrie eru djúpir miðjumenn og Sasha og Kiddi eru náttúrulegir miðjumenn. Það verður því spennandi að sjá hvaða vopn þeir noti til að ná að klára sóknir sínar

Liðin mættust í 1. umferð Inkasso-deildarinnar í viðbjóðslegu veðri í Breiðholtinu þar sem Ólsarar sigruðu 2-0 útisigur með mörkum frá Ibrahim Barrie og Gonzalo Zamarano Leon en sá síðarnefndi er að taka út sinn annan leik í banni eftir að hafa fengið tveggja leikja bann gegn Njarðvík í 1-1 jafntefli á Reykjanesinu

Á blaði ætti þessi leikur að vera algjör einstefna í átt að marki Breiðhyltinga þar sem Víkingar eru í harðri toppbaráttu en ÍR situr í fallsæti en eins og allir fótboltaáhugamenn vita þá er aldrei hægt að treysta á eitthvað svoleiðis.

Fari svo að heimamenn í Víking takist að sigra í dag þá fara þeir upp í annað sæti deildarinnar upp fyrir Þór og ÍA en verða þó jafnir Þór að stigum.

Fari hins vegar svo að ÍR-ingar nái að sigra hér í Ólafsvík þá lyfta þeir sér uppúr fallsæti og upp í það 9.

Góðan og blessaðan daginn kæru lesendur fótbolta.net og verið hjartanlega velkomin í beina textalýsingu á leik Víkings Ólafsvíkur og ÍR í 12 umferð Inkasso-deildar karla. Þetta ku vera síðasti leikur umferðarinnar en leikið hefur verið í þessari umferð frá fimmtudeginum. Ástæðan fyrir því að þessi leikur fer fram þrem dögum eftir að umferðin hófst er einfaldlega sú að Víkingar voru að leika í áttaliða úrslitum síðasta miðvikudag í Fossvoginum gegn Víkingi Reykjavík og náðu Ólsarar að tryggja sér sæti í undanúrslitum Mjólkurbikarsins, einungis annað skipti í sögu félagsins