Það eru tæpar 10mín í leikinn hjá okkur og spennan magnast! En hvar er fólkið? Það er vægast sagt skelfileg mæting!

Það eru ca 35 mín í leik og liðin byrjuð að hita uppa. Það er vel létt yfir mannskapnum enda engin ástæða til annars.

Það er nákvæmlega engin afsökun fyrir því að mæta ekki á völlinn í kvöld. Það er toppslagur framundan og veðrið uppá 10! Það er glampandi sól, 16 stiga hiti og nánast logn. Skyldumæting.

Byrjunarliðin eru dottin í hús en þau má sjá hér til hliðar. Það er ekki mikið sem kemur á óvart nema kannski það að Jeppe Hansen nýjasti leikmaður ÍA kemur beint inní byrjunarliðið. Spurning hvort Jói Kalli sé ekki að henda í strang heiðarlegt 442 í kvöld.

Það er ekkert annað í boði fyrir mannskapinn en að mæta á völlinn í kvöld! Geggjað veður og geggjaður fótbolti!

Það fóru fram fjórir leikir í 13.umferðinni í gær. Eins og áður hefur komið fram þá gerðu Víkingur Ó og HK markalaust jafntefnli í Ólafsvík. Fram og Þróttur gerðu 2-2 jafntefli á meðan Njarvík vann Leikni R 1-0 suður með sjó og ÍR-ingar skelltu Selfyssingum 3-2 í Breiðholtinu. Umferðin klárast svo á morgun þegar Magni tekur á móti Haukum á Grenivík.

Það verður fróðlegt að sjá hvort nýjasti leikmaður ÍA, Jeppe Hansen byrji leikinn en sagan segir að svo sé. Og þá er spurning hver sest á tréverkið í staðinn en byrjunarliðin detta inn rétt uppúr 17:00

Dómari dagsins er Helgi Mikael Jónasson og honum til aðstoðar eru Gylfi Tryggvason og Ragnar Þór Bender. Varadómari er Jóhann Ingi Jónsson og eftirlitsmaður KSÍ er Viðar Helgason.

Leiðin mættust í annari umferð Inkasso-deildarinnar fyrir norðan þann 10.maí og þar hafði Skaginn betur 0-1 með marki frá Steinar Þorsteinssyni.

Alls hafa liðin mæst 45 sinnum í leikjum á vegum KSÍ og þar hafa Skagamenn haft töluvert betur. Þeir hafa unnið 26 á meðan Þórsarar hafa unnið og 13 leiki. 6 sinnum hafa liðin gert jafntefli. Markatalan er 87-54 Skagamönnum í vil. En eins og við vitum öll þá vinnur tölfræði ekki leiki :)

Þórsarar koma inní þennan leik með alveg bullandi sjálfstraust eftir að hafa unnið fjóra leiki í röð og ætla sér ekkert annað en sigur. Og með sigri skilja þeir heimamenn svolítið eftir og skella sér upp að hlið HK á toppnum eftir leikinn í gær. Tapi þeir hins vegar missa þeir Skagamenn upp fyrir sig aftur.

Skagamenn sitja í fjórða sæti deildarinnar og hafa verið að gefa aðeins eftir í síðustu leikjum en þeir hafa tapað tveimur og gert eitt jafntefli í síðustu fimm leikjum sínum og þurfa virkilega á sigri að halda í dag.Með sigri fara þeir upp fyrir bæði Þór og Víking Ó eftir að Víkingur og HK gerðu jafntefli í gærkvöldi. Tap hjá þeim í dag yrði mjög slæmt fyrir þá.

Heilir og sælir lesendur góðir og velkomnir í beina textalýsingu frá Norðurálsvellinum á Akranesi. Og það er enginn smá leikur, toppslagur ÍA og Þórs frá Akureyri í 13.umferð Inkasso-deildarinnar.