Það er öllu tjaldað til í Egilshöllinni Rottweiler hundurinn Þorsteinn Ragnarsson mundar mækinn og kynnir liðin er þau ganga til leiks þetta er enginn smá rödd.

Það mætti vera ögn meiri stemning í stúkunni svo ef stúkan sér þetta þá væri ég til í gott chant!

Liðin hafa lokið upphitun og Fylkis lagið ómar um Egilshöllina.

Það væri gaman að fá að heyra ykkar skoðanir á twitter enda margt hægt að ræða í kringum þennan leik. Myllumerkið er #fotboltinet

Bæði lið eru mætt út á völl til að hita upp og áhorfendur eru farnir að tínast inn á völlinn sýnist stefna í góða mætingu í kvöld!

Halldór Jón Sigurðsson þjálfari Þórs/KA í Pepsi-deild kvenna spáði í leiki umferðarinnar.

Fylkir 1 - 2 Valur

Fylkismenn mæta brjálaðir til leiks og munu selja sig mjög dýrt í þessum leik, en Valsmenn eru bara of sterkir fyrir þá og eru ekki að fara að gefa neitt eftir í titilbarráttunni. Valur vinnur sterkan útisigur þó hann verði spilaður innandyra. 1-2 fyrir Val, Ólafur Ingi skorar fyrir Fylki og stimplar sig inn. Bjarni Ólafur skorar eftir aukaspyrnu þar sem hann tekur seint hlaup inn í teig og Patrik Pedersen skorar sigurmarkið.

Ég er ekki vanur að henda í mikið af #Celebvaktinn en halló halló gott fólk Hrafnkell Freyr A.k.A Keli Passion er mættur í blaðamanna aðstöðuna það gerist ekki mikið stærra en það.

Byrjunarliðin eru klár og eru stærstu tíðindin að Ólafur Ingi Skúlason byrjar þennan leik og er þar að auki fyrirliði! Get ekki beðið eftir að sjá hann spila ég iða í skinninu.

Helgi Sig gerir margar breytingar frá seinasta tapleik gegn KA fyrir norðan. Emil Ásmundsson, Hákon Ingi , Valdimar Þór og Ólafur Ingi skúlason koma inn. Þeir Helgi Valur, Jonathan Glenn, Ragnar Bragi og Oddur Ingi eru allir bekkjaðir enda frammistaða liðsins í seinasta leik ekki boðleg. Ásgeir Eyþórsson fékk tvo gul og þar með rautt á móti KA og er í leikbanni.

Valsmenn gera eina breytingu en Eyja undrið Eiður Aron Sigurbjörnsson er í liðinu á ný eftir leikbann og aukaspyrnu Ívar dettur út.

Það er strangheiðarleg vökvun í gangi á vellinum. Það standa sex herramenn frá Fylki með garðslöngu og úða hvern krók og kima á vellinum.

Bæði lið hafa rölt um völlinn og kíkt aðeins á grasið og aðstæður. Ég ræddi aðeins við Patrick Pedersen og hann sagði við mig "Is this a troll?" um að leikurinn sé leikinn inni.

En við ætlum að vera jákvæð í dag! Þetta verður án efa topp fótbolta leikur og það munu vera mörk í þessum leik þrjú mörk að lágmarki ég lofa því!

Stórvinur minn og lesanda Gummi "Tölfræði" henti í stutta skoðunarkönnun hvort fólk væri ánægt eða óánægt með að leikurinn væri leikinn inn í Egilshöllinni. 3% voru ánægð en 97% óánægð og fór þar Elvar Geir samstarfsfélagi okkar á fótbolti.net fremstur í flokki.

Staða liðanna í töflunni er gjörólík en bæði lið þurfa nauðsynlega á sigri og þremur stigum að halda.

Fylkismenn sitja í 11 sæti með 11.stig eða tveimur stigum frá Fjölnir og öruggu sæti. Þeir hafa tapað 5 leikjum í röð og fengu skell fyrir norðan gegn KA í seinustu umferð þegar þeir töpuðu 5-1 afar sannfærandi.

Valsmenn stija hinsvegar í öðru sæti deildarinnar og með sigri endurheimta þeir toppsætið. Þeir eru nýkomnir heim eftir leik í Andorra sem tapaðist 1-0 gegn Santa Coloma.

Líklegt að Ólafur Ingi spili gegn Val

Það kom fáum á óvart að Ólafur Ingi ákvað að skrifa undir hjá Fylkir eftir hann kom heim úr atvinnumennsku enda uppalinn Árbæingur. Hann gæti spilað sinn fyrsta leik í sumar og eftir HM í dag á móti Valsmönnum.

Fylkisvöllur ekki klár fyrir mánudag

Upprunarlega stóð til að þetta yrði fyrsti heimaleikur Árbæinga á nýja gervigrasinu en það er ljóst að það er ekki orðið klárt og verður því leikurinn spilaður inn í Egilshöllinni í lok Júlí mánaðar.

Góðan daginn og verið velkomin í beina textalýsingu frá leik í 14.umferð Pepsi-deildar karla þar sem við eigast Fylkir og Valur.