Færi á báða bóga.

Fyrst átti Þórdís gott skot sem Caitlyn varði! Selfoss geystist í sókn og átti Alexis Kiehl fínt skot sem Berglind varði einnig.

Þessi leikur er að renna sitt skeið.

Selfoss fær aukaspyrnu úti á miðjum velli og klappa áhorfendur kaldhæðnislega fyrir því.

Víti!!! Stjarnan fær víti.

Telma slapp í gegn og Brynja tæklar hana þegar þær voru komnar inn í teig. Þetta leit út eins og góð tækling hjá Brynju en Kristinn Friðrik er á öðru máli.

Selfyssingar vilja fá víti hér og verð ég að segja að það var talsverður vítafnykur af þessu.

Megan Dunnigan hitti ekki boltann og skoppaði boltinn inná teig þar sem Magdalena Reimus eltir boltann. Berglind Hrund kom á meiri ferðinni út úr markinu og skall saman við Magdalenu.

Áhorfendur heimta víti en Kristinn Friðrik er á öðru máli.

Víti! Þórdís Hrönn fellur hér eftir að Barbára bregður fyrir hana fæti. Ég held að Kristinn Friðrik hafi haft rétt fyrir sér í þessum dómi.

WOW! Selfoss ansi nálægt því þarna. Barbára með frábæran bolta úr djúpinu hægra megin frá. Magdalena Reimus kom í geggjuðu hlaupi frá vinstri en var hársbreidd frá því að ná til boltans.

Halla Helgadóttir með skot! Fékk boltann inná teig og snéri vel með boltann yfir á vinstri en skotið framhjá.

Rapp! Skot hátt yfir úr góðu færi eftir frábærlega útfærða sókn Selfoss.

Þetta er komið af stað. Ég reikna með að Stjarnan reyni að setja á Selfoss hér í sinni hálfleik.

Aukaspyrna á stórhættulegum stað sem Selfoss á. Grace Rapp á heldur slaka spyrnu beint á Berglindi í markinu sem á í engum vandræðum með að grípa boltann.

Góð sókn hjá Selfoss. Spila sig í gegnum Stjörnuna og Magdalena Anna Reimus á góðan kross inná teig en Ásgerður Stefanía með góða björgun.

Þvílík tækling hjá Maríu Evu! Alexis Kiehl var kominn ein í gegn og inná teig hjá Stjörnunni og María Eva dömur mínar og herrar! Geggjuð tækling.

Selfyssingar eru að verjast gífurlega vel. Þær eru ákveðnari og þurfa þess. Stjarnan reynir mikið að lyfta honum bakvið vörn Selfoss og hlaupa í svæðina en það hefur ekki gengið hingað til.

Jæja fyrsta færi leiksins! Guðmunda Brynja fær boltann hérna á hægri kæntinum , köttar inn, sólar Hrafnhildi og á líka þetta ágæta skot með vinstri en boltinn rétt framhjá.

Lítið að gerast hingað til. Liðin að prufa sig áfram. Það markverðasta hingað til var þegar Alfreð Elías öskraði ,,Koma svo! Kveikjið á fokking hausnum" svo glumdi hér í öllu. Alvöru barki á Alfreð.