Jæja góðir gestir nær og fjær.

Liðin tölta inn á völlinn. Styttist.

5 mínútur í þetta.

Liðin eru farin inn til búningsherbergja.

Guðmundur Magnússon er sennilega sá leikmaður sem Leiknisliðið þarf að vakta hvað best í dag - enda búinn að salla inn 11 mörkum það sem af er tímabili. Guðmundur gerði Leiknismönnum lífið leitt í fyrri leik liðanna þar sem hann lagði upp fyrsta mark leiksins ásamt því að skora það síðasta.

Framliðið þarf nauðsynlega á sigri að halda til að halda sér að einhverju leiti í efri helming deildarinnar. Stóladansinn hafinn. Tónlistin er farin í gang og tvö sæti í Pepsi deildinni í boði fyrir þá sem ná sér í sæti þegar tónlistin stoppar í lok september.

Fyrir Leiknisliðið er þetta spurning um að slíta sig frá þéttum pakka sem farinn er að narta í hælana á liðinu.

Four Four %$#"%#"% Two hjá heimamönnum

Daði Bærings Halldórsson í vinstri bakverðinum í fjarveru Ósvalds sem er að glíma við meiðsli eftir leikinn gegn Njarðvík.

Það verður gaman að sjá hvernig Sævar Atli Magnússon og Ólafur Hrannar Kristjánsson koma til með að smella saman í fremstu línu.

Sólon Breki Leifsson er enn á meiðslalistanum og verður líklega þar næstu misserin.

Tónlistin er farin að óma hér af löngu vitleysunni. Veðrið er frábært og völlurinn loks kominn í toppstand.

Búið er að kveikja undir grillinu þar sem Leiknisborgarinn sem er sennilega eini vallarborgarinn sem hefur fengið Michelin stjörnu hérlendis.

Leiknismenn gerðu dapra ferð á Njarðtaksvöllinn í síðustu umferð þar sem þeir töpuðu 1-0 í einstaklega þurrum leik. Framliðið hinsvegar lenti í afar dramatískum slag við Þrótt í síðustu umferð þar sem allt leit út fyrir að þeir hefðu tryggt sér punktana þrjá með marki á fimmtu mínútu uppbótartíma - en gestirnir í Þrótti jöfnuðu með síðustu spyrnu leiksins.

Leiknir eru í sjöunda sæti Inkasso-deildarinnar sem stendur (14 stig) en aðeins þrjú stig eru niður í fallsæti. Fram er eitt af tveimur liðum sem siglir nánast lygnan sjó, er er í sjötta sæti með 18 stig.

Tvær breytingar á byrjunarliði Fram frá 2-2 jafntefli gegn Þrótti. Heiðar Geir Júlíusson og Mihajlo Jakimoski koma inn í staðinn fyrir Arnór Daða Aðalsteinsson og Helga Guðjónsson.

Byrjunarliðin eru komin inn. Heimamenn hafa fengið sóknarmanninn Ólaf Hrannar Kristjánsson aftur frá Þrótti og hann fer beint í byrjunarliðið. Þá kemur hinn efnilegi Vuk Oskar Dimitrijevic einnig inn í byrjunarlið Leiknismanna.

14. umferð Inkasso-deildarinnar hefst með leik Leiknis og Fram í Breiðholtinu í kvöld. Hinn ungi dómari, Guðgeir Einarsson, flautar til leiks klukkan 19:15 og verður leiknum textalýst hér í beinni.