Blaðamannastúkan spáir:
Guðmundur Tómas, mbl: 3-1 fyrir ÍBV
Einar Kristinn, Vísir: 2-0 fyrir ÍBV
Sjálfur spái ég 4-2 fyrir ÍBV

Vallargestir urðu vitni að bjargsigi hér áðan þegar einhver ofurhugi húrraði fram af bjargi en í öruggri línu og allt fór vel. Menn í blaðamannastúkunni voru samt ekkert að bjóða sig fram í að leika þetta eftir.

Ólafur Ingi var mættur með bandið í síðasta leik en Ásgeir Börkur hafði verið með bandið fram að því. Sérstakt að skipa um fyrirliða á þessum tímapunkti.

Það eru áhugaverð nöfn á bekkjum liðanna. Ragnar Bragi og Helgi Valur hjá gestunum, svo eitthvað sé nefnt, og er Víðir Þorvarðar mættur á bekkinn hjá ÍBV en hann kom á dögunum frá Þrótti. Víðir lék með Fylki á sínum tíma en er uppalinn hjá ÍBV.

Byrjunarliðin eru klár og má sjá þau hér til hliðar. Halldór Páll er kominn aftur í byrjunarlið ÍBV og er Ólafur Ingi fyrirliði Fylkis.

Pétur Guðmundsson, lögga, dæmir hér í dag. Spurning hvort hann verði á vaktinni í Dalnum í kvöld?

Þjóðhátíð var sett í gær og er óhætt að segja að rignt hafi á Þjóðhátíðargesti. Margir fóru eflaust að sofa í blautu tjaldi en það ætti allt saman að vera orðið þurrt núna og eins og sagt er, besta kvöldið er í kvöld!

Gengi liðanna hefur verið ólíkt að undanförnu. Fylkir vann síðast leik 8. júní! Það er langt undir væntingum í Árbænum. Síðasti sigurleikur ÍBV kom í síðustu umferð þegar liðið vann KA 2-1. Fylkir situr í fallsæti en þó munar ekki nema 4 stigum á liðunum, þannig að útisigur myndi jafna fallbaráttuna helling.

Góðan daginn kæru lesendur og verið velkomnir í textalýsingu á leik ÍBV og Fylkis í Pepsi deild karla. Það er sannkölluð Þjóðhátíðarstemning í Eyjum, bongó blíða og (ekki bara á Eyja mælikvarða) nánast logn! Ef einhverjir eru á Eyjunni og eru að velta fyrir sér að skella sér á völlinn, endilega drífa sig. Það er aldrei að vita nema einhver mætingamet verði slegin hér í dag.