Fjölnir unnu uppkastið, sækja í átt að æfingasvæðunum, undan eilítilli golu...Keflavík hlaupa í átt að Mosó.

Liðin labba inn á völlinn og Jónsi syngur "Áfram Fjölnir".

Þetta er rétt að detta í gang!

Þjálfararnir eru hoknir af reynslu...árið 1997 léku Keflavík til úrslita um bikarinn við ÍBV.

Í liði Keflavíkur (sem vann) voru þar fremstir í flokki þeir Eysteinn Hauksson og Gunnar Oddsson, í marki ÍBV stóð Gunnar Sigurðsson.

Leiknir voru 2 leikir og endaði sá síðar í vítaspyrnukeppni þar sem Malar-Kiddi Guðbrands skoraði sigurmarkið.

Ekki það að sá leikur hafi þýðingu í kvöld þá voru þetta minnistæðir leikir...og vert að rifja upp.

Vítakeppnina má finna á YouTube hér:

https://www.youtube.com/watch?v=c_VSIAvG_Ew

Dómari kvöldsins þekkir það að labba ekki einn, enda er Jóhann Ingi ekki einn að stjórna hlutum í kvöld.

Honum til aðstoðar eru Oddur Helgi Guðmundsson og Gylfi Tryggvason, varadómarinn er Arnar Þór Stefánsson og Þórður Ingi Guðjónsson mun vera vökull í eftirlitinu enda dómgæsla klárlega íslensk fræði sem eru hans sérgrein!

Byrjunarliðin hafa verið opinberuð. Ægir Jarl Jónasson fékk rautt gegn FH í síðasta leik og tekur út leikbann hjá Fjölnismönnum í kvöld. Almarr Ormarsson er einnig í banni, vegna uppsafnaðra áminninga.

Anton Freyr Ársælsson, sem var í láni hjá Leikni en kallaður til baka í síðustu viku, kemur inn í byrjunarlið Grafarvogsliðsins. Þá koma Igor Jugovic og Valmir Berisha einnig inn.

Hjá Keflavík er varnarmaðurinn Marc McAusland í banni og Hólmar Örn Rúnarsson með fyrirliðabandið í hans stað.

Þrír leikmenn skiptu í gestina á lokadegi félagaskiptagluggans og gætu því leikið sínar fyrstu mínútur fyrir Keflavík í dag.

Aron Kári (Breiðablik) og Ágúst Leó (ÍBV) komu á tímabundnum félagaskiptum út leiktíðina og Helgi Þór Jónsson skipti yfir úr nágrönnum þeirra í Njarðvík.

Á sama hátt kipptu Fjölnismenn Antoni Frey Ársælssyni heim úr láni frá Leiknismönnum á lokadeginum.

Fyrri leik liðanna í 4.umferð lauk með 1-2 sigri Fjölnismanna.

Birnir Snær Ingason skoraði fyrst fyrir Fjölni, Hólmar Örn Rúnarsson jafnaði leikinn fyrir Keflavík en Almarr Ormarsson skoraði svo sigurmarkið.

Keflavík á enn eftir að vinna leik í sumar, hafa gert þrjú jafntefli, síðast 4.júní í Kaplakrika. Öll jafnteflin hafa komið á útivöllum.

Þeir hafa tapað síðustu 7 leikjum sínum og í þeim sjö leikjum einungis náð að gera eitt mark...sitja 12 stigum frá öruggu sæti.

Vissulega litlar líkur gestunum í hag en sigur í dag væri þó til að eygja einhverja von!

Fjölnismenn hafa fengið 1 stig af síðustu 12 mögulegum og unnu síðast leik 1.júlí.

Með sigri í dag myndu þeir þó lyfta sér upp úr fallsætinu með 16 stig og setja Fylkismenn niður fyrir sig.

Leikurinn í dag er einn af lykilleikjum í fallbaráttu deildarinnar enda um að ræða þau tvö lið sem sitja í fallsætunum þegar leikurinn hefst.

Góðan og blessaðan daginn og velkomin í beina textalýsingu frá leik Fjölnis og Keflavíkur í 15.umferð PEPSI-deildar karla.